Валерій Іванович Падяк (13. юна 1959, Ужгород, Закарпатьска область, Совєтьскый союз (днесь Україна)) є кандідат філолоґічных наук, културный дїятель Підкарпатя, выдаватель книг, новинарь, історік літературы..
Біоґрафія Народив ся 13. юна 1959 в Ужгородї. В роках 1966–1976 В. Падяк ся учів в Ужгородьскій середнїй школї ч. 11, а пак в роках 1977–1982 на російскім оддїлїню Філолоґічной факулты Ужгородьской штатной універзіты. По скінчіню універзіты, в роках 1982–1986 быв учітелём російского языка і літературы в Ужгородьскій середнїй школї ч. 7. В роках 1986–1992 ся став редактором школьскых учебників у Закарпатьскій філії Кієвского выдавательства „“. В тім часї нелемже написав (у сполуавторстві) пару оріґіналных властных школьскых учебників про школы з мадярьскым языком навчаня. Ёго дізертація (1990) на тему „Русская классика в литературном процессе Закарпатской Украины (вторая пол. ХІХ – нач. ХХ веков)“ была написана під веджінём професора Василя Микитася, знамого совєтьского одборника на старшу літературу Підкарпатськой Руси.
В р. 2000 вырїшыв заложыти свою властну фірму „Видавництво Валерія Падяка“,http://www.padyak.com/about.aspx котра выдала скоро 300 книжок. Выдавательство ся стало знамым і за граніцями Підкарпатя.
Є автором, сполуавтором а редактором веце як двох десяток моноґрафій, учебників, дїл карпаторусиньскых писателїв, в тім чіслї: „Нарис історії карпаторусинської літератури“ (Торонто, 2016), „Плаве кача по Тисині“ (Ужгород, 2017), „Історія карпаторусинського національного театру та драматургії“ (Пряшів, 2018), „А. Кралицький. Твори“ (Пряшів. 2019).
Публікації Падяк В. И. Проблеми, здобутки та перспективи видавничої справи на Закарпатті в контексті сучасного русинського національно-культурного Відродження. Науковий вісник Ужгородського університету. Серія: Історія. Вип. 8, 2003. — С. 165—171. Падяк В. И. Русинськомовні видання у дзеркалі української статистики (1991—2002). Руснацький світ. Науково-популярний збірник. Т. 3, 2003. — С. 30—33. Падяк В. И. Закарпатье (Подкарпатская Русь): проблемы и особенности функционирования русинского литературного языка в контексте национального возрождения. В: А. Д. Дуличенко, С. Густавссон (ред.). Славянские литературные микроязыки и языковые контакты Материалы международной конференции, организованной в рамках Комиссии по языковым контактам при Международном Комитете славистов. Тарту: Издательство тартуского университета, 2006. — С. 265—284.
Падяк В. И. Русинська школа: відродження народної освіти. Ужгород: Вид-во В. Падяка, 2013. Падяк В. И. Літературный кошичок: Читанка, 2013.
Paďak V. Odstúpenie Podkarpatskej Rusi Sovietskemu Zväzu v roku 1945 ako tragédia národnostnej menšiny podkarpatských Rusínov, ktorá trvá dodnes. Studium Carpato-Ruthenorum 2016: Študie z karpatorusinistiky 8, 2016. — S. 122—133.
Жрїдла і одказы Видавництво Валерія Падяка Валерій Падяк: Живі русини — запорука демократичного та європейського майбутнього України Роман Губа. Русинське поле експериментів. Хто такі закарпатські русини і чому їх звинувачують у сепаратизмі?
Референції
Катеґорія:Русиньскы педаґоґы Катеґорія:Русиньскы новинаре Катеґорія:Русиньскы выдавателе Катеґорія:Персоналии:Україна