Сонцесто́яня, синонимы: сонцезворóт, слункóви преóбрат (бачванске) солнцеворóт (давноруске), солсти́ций (латинске solsticium) — астрономична подѣя, коли Сонце над горизонтом в полудне досягне максималну (влѣтѣ) або минималну (взимѣ) вышку.Жаров В. Е.ЭСБЕ/Солнцестояния.
В астрономии Лѣтня и зимушна точкы сонцестояняПонеже земна ось нахылена односно еклиптикы о 23,5° (приблизно) Сонце бывать раз в року в зенитѣ на зворотнику Рака (точка лѣтнього сонцестояня), а другый раз — на зворотнику Козорога (точка зимушного сонцестояня), котры мають приблизно тоту географичну широкость на сѣвер и на юг од земного екватора. Перва точка досягать ся 20–21. юна, друга — 21–22. децембра. Тоты точкы поважують зачатком лѣта и зимы. Часова неточность спричинена тым, же тропичный рок и рок григорианского календаря суть не цѣлком еднакы, а тыж суть нерегуларности в руху Землѣ.Климишин І.А., Корсунь А.О.
Етимология и обсервацияКедь в указаный час будеме даколькы днѣ по собѣ позоровати, як высоко подниме ся Сонце в полудне (углова величина), увидиме, же вышка каждый день росте, пак на день-два стане, аж наконець зачне малѣти. Од того станя в кулминачной точцѣ походить назва сонцестояня. Около 21. юна в середных широкостях сѣверной полукулѣ день найдовжый, а около 21. децембра — найкуртшый (на южной полукули обернено).
В обрядах Около точок сонцестояня находять ся свята Рождества Христова (взимѣ) и Рождество Иоанна Крестителя, Ивандень/Яна, Русаля (влѣтѣ).
Жерела и одказы Климишин І.А., Корсунь А.О. (ред.) Астрономічний енциклопедичний словник — Львів : Голов. астроном. обсерваторія НАН України : Львів. нац. ун-т ім. Івана Франка, 2003. — 548 c.
Жаров В. Е.: Солнцестояние. // Большая российская энциклопедия. Том 30. Москва, 2015, с. 660. ЭСБЕ/Солнцестояния //Энциклопедический словарь Брокгауза и Ефрона, т. XXXa (1900): Слюз — София Палеолог, с. 779/
Референции
Катеґорія:Астрономична терминология