Изидор Бѣлак, Bilák Izidor, * 26. май 1889, Лисичово, жупа Берег, Австро-Мадярска Монархия – † 3. януар 1944, Пицел, Мадярске кральовство — педагог, фолклориста, публициста, етнограф.
Биография Изидор Бѣлак походив з лисичовской газдовской родины, але дѣдо его быв в том селѣ грекокатолицкый пѣвцоучитель, а баба му походила з поповской родины. В Лисичовѣ выходив народну школу, пак учительску семинарию в Унгварѣ, а в Будапештѣ абсолвовав школу професорох горожанок. В януарѣ 1919 быв покликаный на Министерство Руськой Крайны в Будапештѣ яко иншпектор школ Руськой Крайны. По ей роспаду и прилучѣню Подкарпатской Руси ку Чехословакии быв професором хлопячой и дѣвочой горожанской школы в Пицелу под Будапештом, а пак и ей директором.Литературна недѣля.Иван Поп.
Творба Зачав писати в року 1908, еще яко семинариста, статьи, етнографичны запискы, повѣданя, поезию на уровни иншых тогочасных русинскых авторох, зберати людовы спѣванкы, публиковати свою творбу в новинцѣ Наука, котру тогды выдавав А. Волошин, в календарях. Активно выступовав и в Görögkatholikus Szemle зоз статьями о Русинах. а тыж в мадярскых вѣдицкых периодиках, а в повойновой добѣ в самом Будапештѣ майже не было часописа, де бы не появляли ся его статьи (найвеце в Nemzeti Újság, Új Nemzedék, Budapesti Környék). Писав и до фаховых педагогичных периодикох Néptanítók Lapja, Orsz. Polg. Iskol. Tanáregyes. Kőzlőny.
Хоть перебывав в мадярском окружѣню, але не утратив контакт зоз родным крайом.Мишанич О. В. Писав до Новой Недѣлѣ, Карпатской Недѣлѣ, до Руськой Правды, Руськой Молодежи, Литературной Недѣлѣ.
Изидор Бѣлак быв сыном своей добы, коли векшу вагу мали статьи поучного характеру, историчны, етнографичны, газдовскы, авторы мусѣли боронити свои народностны интересы, пишучи и по мадярскых новинках, бо не могли ся задоволити властнов незначнов пресов. Властна же его поезия написана в людовом духу.
Найважнѣйшы роботыDolha és vidékének néprajza (Народопис Довгого и околицѣ; Néprajzi Értesítő XVI. 1915, XVII. 1916, сполуавтор Г. Стрипскый);Іштван Удварі, с.18.Жаворонокъ (Собраніе русскихъ пѣсней и пословицъ подкарпатскаго народа. Собралъ Исидоръ Билякъ, школьный инспекторъ. Ужгород, 1926). Литературознатель Мишанич О. В. зазначав, же фолклорна зберка Жаворонок «и нынѣ не утратила свое значѣня».
Жерела и одказы Изидоръ Бѣлакъ. (Посмертна згадка). //Литературна недѣля, 1944, с. 47. (автор не зазначеный) Мишанич О. В.: Сидір Білак. //На Верховині. Збірник творів письменників дорадянського Закарпаття /Упоряд., підгот. текстів, вступ. ст., приміт. та слов. О. В. Мишанича. — Ужгород: Карпати, 1984 — 528 с. С. 508 Поп, Іван: Білак Ізидор. //Енциклопедія історії та культури карпатських русинів. Укладачі Маґочій П.Р., Поп І. — Ужгород: Вид-во В.Падяка, 2010. — 856 c.+ХХХІІ с. Сс. 53–54. Іштван Удварі: Зберька жерел про студії русинського писемства. ІІІ. Гіадор Стрипськый, народописник, бібліограф, языкознатель, товмач. Studia Ukrainica et Rusinica Nyíregyháziensia 21. Nyíregyháza, 2007. С. 18.
Референции
Катеґорія:Русиньскы фолклорісты Катеґорія:Русиньскы педаґоґы Катеґорія:Етнографы