Горизо́нт ὁρίζων котрый чинить границю — границя неба и земного або водного поверха, куды можеме видѣти з мѣста позорованя. Тото означѣня ся односить на видимый або географичный горизонт. Математичный, истинный або астрономичный горизонт — великый круг небесной сферы, ровина котрого простопадна ку звислой линии в точцѣ позорованя.Трёшников А.Ф., сс. 73–74Жаров В. Е.
Математичный, истинный або астрономичный горизонт Проста линия, проведена через центер небесной сферы (точку позорованя) в напрямѣ силы гравитации (звисла линия), перетне небесну сферу в точках зениту и надиру. Ровина, яка проходить через точку позорованя простопадно ку той линии называть ся ровинов математичного (истинного або астрономичного) горизонта а линия ей перетинаня з небеснов сферов — математичным (истинным або астрономичным) горизонтом.Климишин І.А., Корсунь А.О., сс. 313–314.
На линии математичного (истинного, астрономичного) горизонта, де ся она перетне з небесным меридианом, лежать точка сѣвера N и точка юга S, а линия NS называть ся полуденнов линиев, в полудне тѣнь од звисло забитой тычкы ляже точно по полуденной линии.
Кедь станеме тварьов ку точцѣ сѣвера, на лѣву руку буде точка запада W, на праву — точка выхода E. В терминах астрономичных суть то двѣ точкы небесной сферы, де математичный (истинный, астрономичный) горизонт перетинать ся з небесным екватором.
Видимый або географичный горизонт Далекость видимого горизонта буде тым векша, чим высше буде точка позорованя: про обычайных людей на плоском земном поверху далекость горизонта 4,5 – 5 км, але з грунка лем 100 м высокого далекость горизонта сягне 38,3 км.
Жерела и одказы Климишин І.А., Корсунь А.О. (ред.) Астрономічний енциклопедичний словник — Львів : Голов. астроном. обсерваторія НАН України : Львів. нац. ун-т ім. Івана Франка, 2003. — 548 c.
Трёшников А.Ф. Географический энциклопедический словарь: Понятия и термины. /Гл. ред. А. Ф. Трёшников. — М.: Сов. энциклопедия, 1988.— 432 с.
Референции
Катеґорія:Астрономична терминология Катеґорія:Сферична астрономия Катеґорія:Географична терминология