«Крылацкае» () — станцыя Арбацка-Пакроўскай лініі Маскоўскага метрапалітэна. Размешчана паміж станцыямі «Маладзёжная» і «Страгіно». Атрымала назву ад аднайменнага раёна, у якім знаходзіцца.
Гісторыя Станцыя была адкрыта 31 снежня 1989 года падчас падаўжэння Філеўскай лініі на поўнач, у буйны жылы раён Крылацкае. Стала 139-й станцыяй Маскоўскага метрапалітэна.
Першапачаткова планавалася адкрыць станцыю ў лістападзе, да чарговай гадавіны Кастрычніцкай рэвалюцыі, аднак з-за распачатага ў 1989 годзе ў краіне эканамічнага крызісу тэрмін здачы станцыі быў ссунуты — упершыню за ўсю гісторыю Маскоўскага метрапалітэна. Узвядзеннем станцыі займалася СМУ-11 Масметрабуд пад кіраўніцтвам А. Еўціхіна.
Да 2 студзеня 2008 года, калі лінія была прадоўжана на поўнач у Страгіно, станцыя была канцавой Філёўскай лініі. Адначасова з працягам участак «Кунцаўская» — «Крылацкае» увайшоў у склад Арбацка-Пакроўскай лініі.
Катэгорыя:Станцыі Маскоўскага метрапалітэна Катэгорыя:Станцыі метрапалітэна паводле алфавіта