Наш родный край (1922–1939, Тячово) — мѣсячный илустрованый дѣточый краеписно-педагогичный часопис, котрый выходив через цѣлый период перебываня Подкарпатской Руси в Чехословакии.М. АлмашійIvan Pop
История Часопис в подтитулку ся называв «новинка для молодежи Подк. Руси». Перве число вышло в новембрѣ 1922 в Ужгородѣ, а з другого числа и до 1939 року часопис выходив в Тячовѣ. Выдавательом было учительство школных округох Севлюш, Хуст, Рахово и Тересва. Одповѣдалный выдаватель быв Е. Егрецкый, а одповѣдалный редактор — Александер Маркуш. Обсягом часопису были переважно популарны материалы, котры информовали читателя о географии, истории и културѣ Подкарпатской Руси, а тыж етнографичны материалы о традичном животѣ села, котры зберали и засылали векшинов школяре старшых рочникох. Языком быв простый мѣстный русинскый язык, а найвекшу любеность часопис заслужив меджи учительством и школнов молодежов.
Днешность В року 1998 была проба обновити выданя под назвов Наш рідний край в украинском языку, але вышли лем даколько чисел. В року 2002 вышла репринтна зберька текстох з оригиналного часописа, ориентована переважно на етнографию, автором котрых быв Александер Маркуш: Олександр Маркуш. Наш рідний край. Народознавчі матеріали про Закарпаття / Упорядник, автор передмови і приміток І. М. Сенько — Ужгород, 2002. Найбогатшы колекции оригиналного часописа суть в библиотецѣ УжНУ и Закарпатском музею им. Т. Легоцкого. Новодобы згледователѣ зазначають популарный характер материалох часописа, котры з погляду днешной наукы не мають великой цѣнности.Михайло Біланич
100-роча журнала В новембрѣ 2022 научна библиотека УжНУ организовала выставку ку 100-рочу выхода в свѣт первого числа часописа. Одзначено, же выданя заграло важну роль в ширеню краеписа, популаризации народной културы Подкарпатской Руси, прискѣплѣню патриотизму; дотеперь не стратило свою актуалность як жерелова база про ученых, што згледують историю краю.
Жерела и одказы
Референции
Катеґорія:Русинскы новинкы