Григо́рий Сковорода́, Григорій Савич Сковорода; *3. децембер 1722 (22. новембер Юл. кал.),Чорнухы, Киевска губернияВекшина биографий хыбно указуе на Полтавску губернию, котра была основана в року 1802, хоть ещи Михаил Ковалѣнскый, первый биограф филозофа, справедливо писав, же село Чорнухы належало ку Киевскому намѣстництву. В первой половцѣ XVIII. ст. зоставало традичне сотенно-полкове дѣлѣня козацкых земель, зашто Чорнухы, де ся родив Сковорода, належали ку Чорнухынской сотни Лубенского полка. А подля административного дѣлѣня Российской империи, Чорнухы, як и вшиткы землѣ Лубенского полка належали ку Киевской губернии, створеной в року 1708 Петром I. На провинции Киевска губерния тогды ся не дѣлила, бо там зоставали сотенно-полковы козацкы землѣ., Российска империя — †9. новембер 1794 (29.октобер Юл. кал.), Пан-Иванивка, Харьковске намѣстництво, Российска империя (днесь Харьковска область, Украина) — украинскый поет, педагог, вандровный филозоф.Марченко О. В.
Биография Походив з козацкой родины. В роках 1734–1753 (з перерывками) учив ся в Киево-Могылянской академии, де слухав лекции Георгия Конисского. В роках 1751, 1759–1769 преподавав в Переяславском и Харьковском колегиумах. Од року 1769 провадив живот вандровного филозофа («старчика»).
Творба Писав филозофскы диалогы и трактаты, байкы, вершы, писма, котры за его живота ся ширили лем в рукописных копиях. Первый раз были зобраны и опубликованы професором Багалейом в Харьковѣ, 1894.Багалей Д. И. Сочинения Григория Саввича Сковороды. — Харьков, 1894. Багалей не быв наклоненый преувеличовати вызнам филозофскых робот Сковороды и прямо писав, же его живот интересный о много вецей, неж его творы. «Общый смысел живота Сковороды, — подля Багалея, — цѣлком злагодный з его филозофиов», и тото чинить его цѣнность. Багалей зазначав, же того погляду быв и граф Лев Николаевич Толстой.Багалей Д. И. (1923), стр. 14
Филозофия В основѣ филозофии Сковороды — учѣня о «трьох свѣтах» — макрокозмѣ (Вселена) и двох микрокозмах: чоловѣкови и симболичом свѣтѣ, описаном в Библии. Свѣт, природа в обох «натурах» дають ся познати. Найвекшый вызнам давав Сковорода познаню сутности чоловѣка самого, самопознаню, из чого выходила его практична филозофия и етика, главным вопросом котрой было учѣня о людском щастю. Основу щастя чинить «сродный труд», одвѣтуючый природным наклонностям чоловѣка; шастя не зависить од богатства, славы и подобного. Выходячи з того, Сковорода демасковав сполоченскы вады свого часу, такы як панованя владолюбства, експлуатации и гнету.Махновец Л. Е. Ай сам во своем животѣ веце разы не прияв або зрюк ся скорше приятых посад, котры бы му забеспечовали богатство, сполоченскый статус, але и такых, де ся од него выжадовало змѣнити свои погляды, што посуджовав за утрату вольности. Поезия Свои морално-етичны погляды вывинув в жанрѣ байок в прозѣ, створивши циклус «Басни Харьковскія» на властны и езоповскы сюжеты. 30 его верши склали зберьку «Сад божественных пѣсней» (написаны в роках ). Сковорода быв выникаючым поетом з тематичнов широтов, глубокостьов думкы и чутя, оригиналнов и силнов образностьов. Его поезия мать зложену строфику, в основѣ силабичну, писана староукраинчинов и по латинскы.
Народностна идентификация Сам Сковорода нигда не идентификовав себе як украинскый филозоф — «або му было вшитко едно, а може зато, бо доба национализмох ещи не пришла».Артюх В'ячеслав
Украинскы учены недолюбльовали Сковороду за его язык и повне одсутство националного патриотизма. Професор Грушевскый чудовав ся «з его ровнодушности ку народностному вопросу, повного одсутства националной свѣдомости».М. И. Яворский
Вытягованя Сковороды з «общерусскости» и перетворѣня на украинского филозофа ся зачало в конци XIX. стороча. А остаточно ставать ся чисто украинскым филозофом в часѣ, коли славили 200-роча его уродин (1922). Тогды в резултатѣ болшевицкой политикы «коренизации», котра в УССР достала форму «украинизации», Сковорода зачинать быти еднозначно украинскым филозофом. Лем меджи российскыма емигрантскыма ученыма ещи ай доднесь суть окреслѣня Сковороды як «первого филозофа на Руси», «первого вызнамного русского мыслителя» и подобны.
Жерела и одказы
Референции
Катеґорія:Поеты Катеґорія:Педаґоґы Катеґорія:Філозофы Катеґорія:Персоналии 18. стороча