Оба́ва, Dunkófalva, Obava, Обава — село в Чинадьовской териториалной громадѣ Мукачовского района Закарпатской области Украины.
Полога Обава оддалена о 13 км од районного центра Мукачово и о 5 км од желѣзницѣ, котра е в Чинадьовѣ.Тронько П., с. 437.
История Перва исторична споминка, под назвов Dunkofalva, датована роком 1570 в историчном жерелѣ Conscriptiones portarum, 1570. Подля Легоцкого, закладательом села быв Данко Кочан, котрый достав на то кенизьске оправнѣня од бережского жупана и управителя мункачского панства Лайоша Сентяношия, датоване дньом 4. фебруара 1568. Од року 1773 завживать ся тыж назва Obawa, котра походить од мѣстного потока.
В року 1910 зоз 694 обывательох села были 626 Русины, 51 Нѣмцѣ,17 Мадяре. Подля вѣры: 633 грекокатолици, 38 израелиты, 21 римокатолици. До Трианона село належало ку Свалявскому округу, Szolyvai járás, жупы Берег.A történelmi Magyarország Найблизша пошта и телеграф были в Чинадьовѣ.Révai nagy lexikona
В року 1930 село мало 973 обывательох, з котрых были 847 Русины, 88 Евреи, 30 Нѣмцѣ, 4 Чехы и Словаци, 4 — чужоземцѣ. В селѣ были школы русинска (2 класы) и чешска (1 класа). Грекокатолицка громада мала 851 вѣрника и муровану церкву Покровы Пресвятой Богородицѣ з року 1930.Достал, Ярослав, c. 187.
26. октобра 1944 Обава выслобождена од фашистичной окупации и зачав ся украинскый период ей истории. В року 1969 мала уже 1716 обывательох. На тот час при новой владѣ поставлены около 170 хыж, восямрочна школа, клуб, библиотека.
Вызнамны родаци Степан Добош (1912–1978), педагог, литературознатель, первый ректор Ужгородской универзиты.
Памяткы До выставбы мурованой церквы в селѣ была стародавна (XVIII. стороча) деревляна, перенесена ту з бойковского села, котру зась одкупили и в року 1931 перенесли до Новой Пакы, Чехия, де служить донынѣ грекокатолицкым вѣрникам.
Жерела и одказы A történelmi Magyarország atlasza és adattára 1914 Révai nagy lexikona. Révai Testvérek Irodalmi Intézet Részvénytársaság, Budapest, 1912. 6. köt. 48. old. Sebestyén Zsolt: Bereg megye helységneveinek etimológiai szótára. — Nyíregyháza: Bessenyei Könyvkiadó, 2010 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014.
Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области