Kaley Cuoco (Camarillo, 30 de novembre de'l 1985) ła ze na atora mericana, conosesta soratuto par i rołi de Bridget Hennesy inte ła sitcom 8 semplici regole, de Billie Jenkins inte ła serie tełeviziva Charmed e de Penny inte ła sitcom The Big Bang Theory.
Biografia Kaley ła ze ła primozènita de Gary Carmine Cuoco, un inzenjer statunitense de orìzeni tałiane, e de Layne Ann Wingate, na cazałina de orìzeni todesche; ła ga na soreła minor, Briana.Kaley Cuoco Fan • www.kaleycuocofan.com your #1 fan site dedicated to Kaley Cuoco Kaley Cuoco Biography - Yahoo Movies Canada Ła se ga łigà par do ani a'l cołega Johnny Galecki, conosesto so'l set de ła serie The Big Bang Theory; i do i ga mantenjesto privà ła só rełasion insìn che a ła só concluzion, restando comuncue in òtemi raporti. El 31 desenbre 2013 Kaley ła ga spozà el tenista Ryan Sweeting, conosesto inte l'agosto de'l steso ano, da cui po' ła gà devorsià inte el setenbre de'l 2015; durante el matrimonio ła ga zontà el conjome de'l marìo a'l suo, fazéndose acreditar in cuełi ani come Kaley Cuoco-Sweeting. thumb|left|Kaley Cuoco a'l Comic-Co de'l 2011 co Simon Helberg, Kunal Nayyar e Johnny Galecki, só cołeghi inte ła sitcom The Big Bang Theory.
Inte'l setenbre de'l 2010, l'atora ła jera restà vitema de un insidente a cavało che ghe gavea procurà na fratura de ła ganba dreta. so'l scominsio i mèdeghi, pensando a n'infesion, i gaveva previsto l'anputasion de'l pìe dreto, ipòtezi sucesivamente zventà.
Cariera
Ła só cariera de atora ła ze scomisià inte'l 1992 co el film Senza via d'uscita. El só roło de Marcia Brady in Growing Up Brady (2000) el ga atirà l'atension de ła critica, cusì come ła parte drio inte ła sitcom Ladies Man. Inte'l 2004, oltra a'l roło de protagonista in 8 semplici regole, ła ga partesipà a ła miniserie Magnitudo 10.5, a'l film TV Crimini co stile nonché a ła pellicola indipendente Debating Robert Lee. inte'l 2005 ła ga fato parte de'l cast de ła serie TV Streghe inpersonando Billie Jenkins. Da'l 2007 ła ze tra i interpreti de ła sitcom The Big Bang Theory.
Inte'l 2004, Kaley ła ze stà nominà ła setantacuatrezema dona pì sexy dei Stati Unii a'l FHM-US's 100 Sexiest Women. inte'l steso ano, inte ła varsion mericana de'l carton anemà de Disney Channel Brandy and Mr. Whiskers, Kaley ła ga dopià el parsonajo Brandy Harrington. Senpre inte'l 2004, ła ze stà co-protagonista co Nick Carter e Kevin Zegers inte'l film The Hollow. Kaley ła ga anca dupià una de łe do "gemelle in rosa" (zemełe in roza) inte'l zogo par PlayStation Bratz.
Ła ga prezentà ła sarimonia de premiasion dei Teen Choice Awards 2011, e cuełe dei People's Choice Awards 2012 e 2013. Senpre inte'l 2013 ła revista Forbes ła insarise a'l segondo posto tra łe atore pì pagàe de ła TV, co un vadanjo da ùndaze miłion de dołari;Ecco le 20 attrici più pagate della tv: Sofia Vergara la più ricca! da'l 2014, dopo che A stà fato el rinovo de'l só contrato co ła sitcom The Big Bang Theory, ła ciapa un asenjo de oltra un miłion de dołari a epizodio, deventando (coi cołeghi de set Galecki e Jim Parsons) tra i atori de serie tełevizive pì pagài de senpre. Senpre inte l'isteso ano, inte'l meze de novenbre ła reseve na steła so ła Hollywood Walk of Fame.
Notasion
Altri projeti
Cuoco, Kaley