El KuaZułu-Natal (in afrikaans KwaZoeloe-Natal, in inglee KwaZulu-Natal, IPA /kwɑːˌzuːluː nəˈtɑːl/) el ze na provinsa de el Sudafrika oriental. El konfina ko ła provinsa de el Kao Oriental a sudovest, ko keła de el Stato Łìbaro a ovest, ko keła de el Ampumalaṅga a nord. El ga anka de i konfini internasionałi ko el Łisotu a ovest, el Suaziłand e el Mozanbiko a nord. El ze bañà da el Osèano Indian a est.
Zeografia fizega Ła pianura kostiera łongo el Osèano Indian, ke ła ga dimension kałanti da nord a sud, verso el interno ła pasa a na serie de terase (Altopian de el Natalin inglezeMidlands of KwaZulu-Natal), vanti de alsarse inte i Munti de i Dragiin zułu uKhahlamba, in ingleze Drakensberg a ovest e i Munti Lebonboin ingleze Lebombo Mountains a nordest. El fiume pi' grando el ze el Tugełain zułu uThukela, in ingleze Tugela River.
El klima el ze tenperà ko inverni suti (par Köppen CWa e CWb) a el interno, tenperà umedo (par Köppen Cfa e Cfb) łongo ła costa, stepego (par Köppen BSh) a nordest; ła banda pi' piovoza ła ze keła osidental.
Zeografia umana Łe sità pi' inportanti łe ze ła sità portual e industrial de Darbanin zułu eThekwini, [ˈɛːʔtʰɛˌkwinĭ], in ingleze /ˈdɜːrbən/, el kaołogo Pitermarizbargin zułu umGungundlovu, in ingleze Pietermaritzburg, /ˌpiːtərˈmærɪtsbɜːrɡ/ e ła sità industrial de Niucaslin ingleze Newcastle, /ˈnjuːˌkɑːsl̩/.
Ekonomia I se koltiva kana da sukaro, agrumi, granturko, sorgo, koton, banane e ananasi. Łe se ałeva piegore e vake. Inportante ła ze ła akuakultura, in partikołar de ganbari. I se desfruta el karbon e, a el łargo de ła kosta, sabie rike in minerałi pezanti (rutiło, ilmenite, zircon).
Łe ge ze industrie łatiero-kazearie, tesiłi, kimege, de ła goma, kartarie, automobiłistege, konsarie, petrolkimege e metałurgege (par el ałuminio).
El ze drio kreser el turizmo, anka grasie a ła prezensa de do siti Patrimonio de l'umanità ONUESC.
Gałeria de someje
Note
Altri projèti
Categoria:Sudafrica