Pino Donaggio, a l'anagrafe Giuseppe Donaggio (Buran, 24 novenbre 1941), el ze un cantaudor e conpozidor itałian.
Cofà cantaudor, el só brano pì noto, Io che non vivo (senza te) el ga vendùo - inte łe varie varsion e cover - oltra 80 miłion de copie in tuto el mondo."Io che non vivo": i cinquant'anni di un successo planetario , Il Mattino di Padova, 22 gennaio 2015. Come conpozidor de cołone sonore el ga cołaborà, tra i altri, co rezisti cofà Brian De Palma (inte'l cui łongo sodałisio el ga muzegà ben sete film, tra i cuałi Omicidio a Luci Rosse e Vestito per uccidere), Dario Argento e Pupi Avati.Pino Donaggio: «Mi metto al servizio delle idee del regista», Il manifesto, 12 gennaio 2017.
Biografia I ezordi come cantaudor (1959-1976) El crese inte na famegia de muzicisti (só pare Italo el gaveva cołaborà anca co Sergio Endrigo so i scominsi de ła só carieraDonaggio, quarant'anni di musica "paurosa" da Sanremo a De Palma, Il Giornale, 21 dicembre 2013.Sergio Endrigo, mio padre: Artista per caso, Claudia Endrigo, Feltrinelli, 2017.) e a dieze ani el scominsia studiar el viołin, prima a'l Conservatorio Benedetto Marcello de Venesia e po' a'l Giuseppe Verdi de Miłan, indove el cołabora anca co'l mestro Claudio Abbado, che'l ło vol inte l'orchestra "I Solisti di Milano". El ze prezente fra i primi viołini a'l primo conserto de "I Solisti Veneti" diretti da Claudio Scimone a l'Ołìnpico de Vicensa inte'l 1959 e el ga cołaborà co "I Solisti" fin a'l debuto a Sanremo. Inte ła segonda metà dei ani sincuanta el scrive brani par altri cantanti, ma inte'l 1959 el descoverze el rock and roll e el inside i primi dischi. El debuta a'l Festival de Sanremo 1961 co Come sinfonia, un brano clasichegiante che'l reveła i só trascorsi de conservatorio, arangià e direto da Angelo Giacomazzi e riezeguìo da Teddy Reno. Come sinfonia el otien un notevołe suceso discografego, rivando primo in clasifega par tre setimane e el ze po' insidesto anca da Mina; no manca tutavia inte'l só primo repertorio motivi pì senplisi, come Pera matura e Il cane di stoffa.
El torna a Sanremo inte'l 1963 e el otien el terso posto co Giovane giovane, un twist ezeguìo in copia co Cocky Mazzetti che'l riva in prima pozision par do setimane. 'St'altra canson ła ghe dà anca el nome a'l grupo che'l ło conpanja da'l vivo e su disco, aponto i Giovani Giovani, conposti da Sandro Orlandini a ła bateria, Armando De Cillis a'l baso, Alberto Bandel a'l pianoforte (drioman sostituìo da Gianni De Sabbata) e Nico Lo Muto a ła ghitara. Ancora un peso intimista inte'l Festival de Sanremo 1964 (Motivo d'amore), par rivar a l'edision sucesiva co cueło che sarà el só pì grando suceso, Io che non vivo (senza te) che ła riva prima in clasifega par tre setimane.
Ła canson ła vien prezentada in segonda ezecusion da Jody Miller, ma n'altra cantante prezente a l'istesa edision de'l Festival, Dusty Springfield, ła deside de farla sua e de insidarla na volta tornada a Łondra. Inte ła sós varsion in łengua ingleze, intitołada You Don't Have to Say You Love Me, el brano el fa el ziro de'l mondo entrando inte łe clasifeghe de vendita de un gran nùmaro de paezi. Numarozi artisti de fama intarnasionałe, tra cui Elvis Presley, i vorà includerla inte'l só repertorio, tanto che You Don't Have to Say You Love Me ła devenjùa co i ani un clàsego de tuti i tenpi. Daspò altre partesipasion a Sanremo (Una casa in cima al mondo, Io per amore, Le solite cose), a "Un disco per l'estate" (Quando è sera inte'l 1964, Pensa solo a me inte'l 1965, Svegliati amore inte'l 1966, Un brivido di freddo inte'l 1967 e Il sole della notte inte'l 1968), a'l Festival delle Rose (Gianni) e a "Canzonissima", el só suceso comersałe come cantante el scumisia a declinar.
Scadùo el contrato co ła Columbia, caza discogràfega co ła cuała el gaveva ezordìo, el firma co ła Carosello che ła tenata el rełanso traverso nove partesipasion a Sanremo (Che effetto mi fa, 1970, L'ultimo romantico, 1971, Ci sono giorni, 1972). Inte'l 1976 el se visina a ła canson "inpenjada", publegando par ła Produttori Associati l'àlbun Certe volte..., che'l vede a l'armònega ła cołaborasion de'l zòvane cantaudor veroneze Massimo Bubola, che'l firma anca el testo de Naturale, e a ła bateria Tullio De Piscopo. Na canson de 'sto disco, Mario, ła deventarà asàe nota tre ani drioman inte l'intarpretasion de Enzo Jannacci.
Ła segonda cariera cofà autor de cołone sonore (1973-prezente)
Inte'l 1973 el ezordise cofà musizicista de cołone sonore con'l thriller A Venezia... un dicembre rosso shocking (Don't Look Now) de Nicolas Roeg. El film el ze un suceso clamorozo e el ghe val el premio de ła stanpa ingleze, conferìo da ła prestizoza revista Films and Filming, par ła mejo cołona sonora de l'ano.A Venezia... un Donaggio rosso shocking!: intervista esclusiva a Pino Donaggio, Colonne Sonore settembre 2005. El rezista Marcello Aliprandi el ło ciama par muzegar Corruzione al palazzo di giustizia co Franco Nero e Un sussurro nel buio, n'altro thriller in cornize venesiana. Propio mentre che'l ze drìo muzicar 'st'ùltemo, Donaggio el vien contatà da Brian De Palma che, avendo apresà el só łaoro co Roeg, el ghe dimanda de reałizar na cołona sonora inte'l stiłe de Bernard Herrmann, 'pena desconparìo; el rezultado el ze ecesionałe. Nonostante el film sucesivo de De Palma, Fury, el venja muzegà da John Williams, el rezista statunitense el reciama Donaggio par Home Movies, ametendo che ła só mùzica ła ze pì funsional a'l só sinema.
A scumisia uno dei sodałisi pì séłebri inte ła storia de'l sinema, che'l confesiona caołaori de'l raporto imàzene-mùzega cofà Vestito per uccidere, Blow Out, Omicidio a luci rosse. Inte'l 1993, De Palma el reciama Donaggio par Doppia personalità. Inte'l fratenpo Donaggio, deventà stra rechiesto, el se spesiałiza in cołone sonore par horror rafinà come Un'ombra nel buio co Lauren Bacall, Déjà vu, Trauma de Dario Argento, ma el ze anca uno dei conpozidori preferìi da zòvani sineasti destinài a deventar famozi come Joe Dante (Piraña e L'ululato). Donaggio no'l dezdenja njanca ła comedia de Non ci resta che piangere de ła copia Benigni - Troisi, 7 chili in 7 giorni co Verdone e Pozzetto, Il mio West co Pieraccioni e Bowie, drami sosiałi come Il caso Moro e Giovanni Falcone entranbi de Giuseppe Ferrara e l'erotizmo sofistegà de Liliana Cavani par Interno berlinese. Propio par ła Cavani, Donaggio el reałiza una de łe só megio cołone sonore, cueła par el dramàtego Dove siete? Io sono qui co Chiara Caselli.
Inte'l 1995 el vien ciamà da'l zòvane rezista Claudio Fragasso par Palermo Milano solo andata co Giancarlo Giannini e Stefania Sandrelli co'l cuało el vinse el primo globo d'oro, cofà megio cołona sonora. A scominsia cusì un raporto de sinbiozi profesionałe e d'amisisia consołidà inte'l tenpo che'l ło portarà a firmar tute łe cołone sonore dei film de'l rezista Claudio Fragasso, fin a l'ùltemo de'l 2016, La grande rabbia. Inte'l 2008 el otien na nomination ai David de Donatello par ła mejo canson, senpre co un film de Claudio Fragasso co Milano Palermo - Il ritorno oltra a firmar anca łe do miniserie par Mediaset Operazione Odissea (1999), Blindati (2000), e el film TV, par Mediaset La banda (2001).
Discografia Àlbun in studio 1962 - Pino Donaggio 1964 - Motivo d'amore 1965 - Pino Donaggio 1971 - L'ultimo romantico 1972 - Immagini d'amore 1973 - È difficile... ma non impossibile... vivere insieme 1976 - Certe volte... 2016 - Lettere Singoli 1959 - Ho paura/Mia Laura 1959 - Angelica/la notte verrà 1960 - Dormi fra la mie braccia/No, no, mai 1960 - Mi piace vivere così/Sulla verde terra 1960 - Sera d'inverno/Quello che tu pensi 1960 - Non ti posso lasciare/Ho paura 1961 - Come sinfonia/Il cane di stoffa 1961 - Tu sai/Villaggio sul fiume 1961 - Pera matura/Benvenuti a Venezia 1961 - Il mio sotterraneo/Oggi niente scuola 1962 - La ragazza col maglione/Cielo muto 1962 - La ragazza col maglione/La peliccia de vison 1962 - Scusa tanto/Saint Tropez 1962 - Vestito di sacco/Madison tra gli angeli 1962 - Archimede Pitagorico/Oggi niente scuola 1963 - Giovane giovane/Una casa d'argento 1963 - Il domani è nostro/Solo nel mondo 1963 - Un'isola per gli innamorati/Schiavo di te 1963 - La scaletta/Un'isola per gli innamorati 1964 - Motivo d'amore/In guerra con tutti 1964 - Non vado a quella festa/Quando è sera 1964 - Capirai/Un chiodo fisso 1965 - Io che non vivo (senza te)/Il mondo di notte 1965 - Sulla sabbia/Pensa solo a me 1965 - Sono nato con te/L'ultima telefonata 1965 - Un amore/Si chiama Maria (Columbia scmq 1877) 1966 - Una casa in cima al mondo/Non ne ho colpa 1966 - Io mi domando/Svegliati amore 1966 - Cieli di cartone/Quando il sole chiude gli occhi 1967 - Io per amore/Un angelo vivo 1967 - Un brivido di freddo/Calma ragazzo 1967 - Gianni/Ripensaci 1968 - Le solite cose/La domenica sera 1968 - Il sole della notte/Dove vai quando dormi 1968 - Non domandarti/Vent'anni questa sera 1969 - Una donna/Perdutamente 1969 - Un'ombra bianca/Era piena estate 1970 - Che effetto mi fa/Tu mi dici sempre dove vai 1970 - Lei piangeva/Musica tra gli alberi 1970 - Concerto per Venezia/Siamo andati oltre 1971 - L'ultimo romantico/Grand'uomo 1971 - Pero anoche en la palya/Immagine d'amore 1971 - Un'immagine d'amore/Pero anoche en la playa 1972 - Ci sono giorni/Come un girasole 1972 - Perché questo un uomo non lo fa?/Un incontro casuale 1973 - La voglia di vivere/Per amore 1974 - Donna d'estate/Grande come una spanna 1976 - L'equilibrista/Certe volte a Venezia 1979 - Skin deep/Lady Fine Rancure 1970 - Come sinfonia 1988 - Pino Donaggio 1995 - Il Meglio Di Pino Donaggio 2004 - Made in Italy
Cołone sonore A Venezia... un dicembre rosso shocking, regia di Nicolas Roeg (1973) Corruzione al palazzo di giustizia, regia di Marcello Aliprandi (1974) Carrie - Lo sguardo di Satana regia di Brian De Palma (1976) Un sussurro nel buio, rezìa de Marcello Aliprandi (1976) Nero veneziano, rezìa de Ugo Liberatore (1978) Piraña, rezìa de Joe Dante (1978) Horror Puppet, rezìa de David Schmoeller (1979) Senza buccia, rezìa de Marcello Aliprandi (1979) Augh! Augh!, rezìa de Marco Toniato (1980) Vestito per uccidere, rezìa de Brian De Palma (1980) L'ululato, rezìa de Joe Dante (1981) Blow Out, rezìa de Brian De Palma (1981) Black Cat (Gatto nero), rezìa de Lucio Fulci (1981) Morte in Vaticano, rezìa de Marcello Aliprandi (1982) Oltre la porta, rezìa de Liliana Cavani (1982) Don Camillo, rezìa de Terence Hill (1983) Hercules, rezìa de Luigi Cozzi (1983) Non ci resta che piangere, rezìa de Massimo Troisi, Roberto Benigni (1984) Omicidio a luci rosse, rezìa de Brian De Palma (1984) Interno berlinese, rezìa de Liliana Cavani (1985) Sotto il vestito niente, rezìa de Carlo Vanzina (1985) 7 chili in 7 giorni, rezìa de Luca Verdone (1986) Crawlspace, rezìa de David Schmoeller (1986) Il caso Moro, rezìa de Giuseppe Ferrara (1986) La monaca di Monza, rezìa de Luciano Odorisio (1987) Hotel Colonial, rezìa de Cinzia TH Torrini (1987) The Barbarians, rezìa de Ruggero Deodato (1987) Giselle (The Dancers), rezìa de Herbert Ross (1987) Appuntamento con la morte, rezìa de Michael Winner (1988) Catacombs - La prigione del diavolo, rezìa de David Schmoeller (1988) Qualcuno in ascolto, rezìa de Faliero Rosati (1988) Un delitto poco comune, rezìa de Ruggero Deodato (1988) Partita con la morte, rezìa de Peter Masterson (1989) Oceano, rezìa de Ruggero Deodato - miniserie tv (1989) Rito d'amore, rezìa de Aldo Lado (1989) Raising Cain, rezìa de Brian De Palma (1990) Due occhi diabolici, rezìa de George A.Romero e Dario Argento (1990) I misteri della giungla nera, rezìa de Kevin Connor - miniserie tv (1991) La setta, rezìa de Michele Soavi (1991) Cin cin, (A fine Romance), rezìa de Gene Saks (1991) Scoop, rezìa de José María Sánchez - miniserie tv (1992) Così fan tutte, rezìa de Tinto Brass (1992) Doppia personalità, rezìa de Brian De Palma (1992) Colpo di coda, rezìa de José María Sánchez - miniserie tv (1993)