I Piqued Jacks, i ze un grupo muzegałe itałian formà inte'l 2006 a Buggiano e conposto da E-King (voce, pianoforte, sintetizador), Majic-o (ghitara), littleladle (baso) e HolyHargot (bateria).
I ga raprezentà San Marin a l'Eurovision Song Contest 2023 co'l brano Like an Animal.
Storia I Piqued Jacks i se ga formà inte'l 2006 a Buggiano, in provinsia de Pistoia. Inte'l 2010 e 2011 i ga publegà i primi do EP. I ga po łaorà co'l produtor Brian Lanese a'l terso EP, Just a Machine, venjùo fora a zenaro 2013. A marso 2014 i ga łaorà co Matt Noveskey dei Blue October ai singołi Upturned Perspectives e No Bazooka.
El só primo àlbun Climb like Ivy Does el ze usìo inte'l 2015, e inte'l 2016 ghe ze ne usìa ła varsion acùstega, intitołada Aerial Roots. Inte'l 2016 el baterista ThEd0g el ze stà sostituìo da Damiano Beritelli, a só volta drioman renpiasà inte'l 2017 da HolyHargot.
Inte'l zunjo 2018 A ze venjesto fora el singoło Wildly Shine, prodoto da Michael Beinhorn. Cuatro mezi pì tardi A ze rivà The Living Past, el segondo àlbun in studio produzesto da Dan Weller.
Ad avril 2019 el ghitarista Penguinsane el ga łasà el grupo e l'è stà sostituìo da Majic-o. Inte'l mèdemo ano i Piqued Jacks i ga vinsesto el premio inte ła categoria rock a'l festival Sanremo Rock.
Inte'l 2020 i ze stà sełesionà da MTV par ła piataforma New Generation. Inte'l setenbre de l'isteso ano A ze stà publegà el singoło Safety Distance, che'l ga antisipà a marso 2021 el cuarto àlbun Synchronizer, usìo par l'eticheta INRI e produzesto da Julian Emery, Brett Shaw e Dan Weller.
Inte'l 2023 i ga partesipà a ła segonda edision de Una voce per San Marino, dove i ga prezentà l'inedito Like an Animal. Inte ła serada finałe ła zurìa ła łi ga incoronà vinsidori, rendéndołi de derito i raprezentanti de'l Titano a l'Eurovision Song Contest 2023 a Liverpool. Inte'l majo sucesivo i se ga ezibìo durando ła segonda semifinałe de ła manifestasion europea, sensa parò całifegarse par ła finałe.
Formasion Atuałe Andrea Lazzeretti (E-King) – voze, pianoforte, sintetizador (2006-presente) Francesco Bini (littleladle) – baso, cori (2006-prezente) Tommaso Oliveri (HolyHargot) – bateria (2017-prezente) Marco Sgaramella (Majic-o) – ghitara, cori (2019-prezente)
Ex conponenti Francesco Cugia (Penguinsane) – ghitara (2006-2019) Matteo Cugia (ThEd0g) – bateria (2006-2016) Damiano Beritelli – bateria (2016-2017)
Discografia Albun in studio 2015 – Climb like Ivy Does 2016 – Aerial Roots 2018 – The Living Past 2021 – Synchronizer
EP 2008 – Tight-Mess 2010 – Momo the Monkey 2011 – Brotherhoods 2013 – Just a Machine
Singołi 2013 – My Kite 2013 – Youphoric?! 2013 – Amusement Park 2014 – Upturned Perspectives 2014 – No Bazooka 2015 – Romantic Soldier 2016 – Shyest Kindred Spirit (Acoustic) 2018 – Eternal Ride of a Heartful Mind 2018 – Loner vs Lover 2018 – Wildly Shine 2020 – Safety Distance 2020 – Every Day Special 2020 – Golden Mine 2021 – Elephant 2021 – Mysterious Equations 2021 – Fire Brigade 2022 – Everything South 2022 – Particles 2022 – Sunflower 2023 – Like an Animal
Notasion
Altri projeti
Linganbi foresti
Categoria:Grupi muxicałi itałiani