Алпер Потук (роден на 8 април 1991 во Болвадин) — турски поранешен фудбалер, играч од средниот ред.
Клупска кариера Потук е роден во Болвадин, Афјонкарахисар покраината, на 8 април 1991 година и започнал да игра фудбал со пријателите на улица, добивајќи силна поддршка од своето семејство, особено од неговиот татко и брат; брат му го водел на тренинзите на фудбалскиот клуб Афјонкарахисарспор за да види како работат професионалните фудбалери. Семејството Потук потоа се преселило во Ескишехир, поради работата на неговиот татко.
Токму по доаѓањето во Ескишехир, Алпер му се приклучил најпрво на фудбалскиот клуб Чифтелеспор, а потоа во 2005 станал член на младинскиот состав на Ескишехирспор. Своето деби за првиот тим на Ескишехирспор го направил на 29 мај 2009 во натпревар против Газиантепспор.
На 22 мај 2013, Потук го комплетирал својот трансфер во Фенербахче, потпишувајќи петгодишен договор со клубот. Сумата која Фенер ја платил изнесувала 6.250.000 милиони евра плус камерунецот Анри Бјенвену кој заминал во спротивен правец (во Ескишехирспор). Дебитирал за Фенербахче на 31 јули 2013, во натпревар од квалификациите за Лигата на шампионите против Салцбург кој завршил 1-1. На 31 август 2013, го постигнал својот прв гол за клубот во победата со 5-2 над Сиваспор на домашен терен.
Репрезентативна кариера Потук ја претставувал својата земја во репрезентацииите под 19, под 20 и под 21 година. Својот прв натпревар за сениорската репрезентација на Турција го одиграл на 29 февруари 2012 година, во пријателски натпревар против Словачка на Стадионот Бурса Ататурк. Потоа, тој го одиграл својот прв квалификациски натпревар против Андора, на 22 март 2013 година, во квалификациите за Светското првенство 2014.
Титули Фенербахче Супер лига : 1 2013–2014 Суперкуп на Турција : 1 2014
Надворешни врски Алпер Потук на soccerway Алпер Потук на transfermarkt
Категорија:Живи луѓе Категорија:Турски фудбалери Категорија:Фудбалери на ФК Фенербахче Категорија:Фудбалери на ФК Ризеспор Категорија:Фудбалери на ФК Гостивар Категорија:Родени во 1991 година