Гета ў Любонічах (ліпень — снежань 1941) — яўрэйскае гета, месца прымусовага перасялення яўрэяў вёскі Любонічы Кіраўскага раёна Магілёўскай вобласці і бліжэйшых населеных пунктаў у працэсе пераследу і знішчэння яўрэяў падчас акупацыі тэрыторыі Беларусі войскамі нацысцкай Германіі ў перыяд Другой сусветнай вайны.
Гісторыя Вёска Любонічы была захоплена нямецкімі войскамі ў канцы чэрвеня 1941 года, і акупацыя доўжылася амаль тры гады — да канца чэрвеня 1944 года. Да пачатку вайны ў вёсцы жыло шмат яўрэяў, і яна лічылася яўрэйскім мястэчкам (штэтлам)Шендерович И., Литин А. Любоничи . Перад акупацыяй у ёй заставалася яшчэ каля 200 прадстаўнікоў нацыянальнасці (42 сям’і), якія не паспелі ці не захацелі эвакуявацца, якіх немцы, рэалізуючы нацысцкую праграму знішчэння яўрэяў, сагналі ў гета.
7 лістапада (па іншых даных у жніўні) 1941 года немцы і калабарацыяністы забілі 60 яўрэяў-мужчын у загадзя выкапанай ямы ў лесе за вёскай. Яму загадалі выкапаць маладым габрэямАрхив Музей истории и культуры евреев Беларуси|Музея истории и культуры евреев Беларуси. У снежні ў выніку апошняй акцыі гета было ліквідавана, а апошнія вязні — каля 130 жанчын і дзяцей — былі забітыя ля вёскі Ахоцічы (па іншых звестках — Арэхаўкі)Архив Яд Вашем, 0.3.4951..
Сем маладых габрэяў змаглі схавацца ў лесе і перачакаць расстрэлы, але мясцовыя жыхары іх злавілі і перадалі немцам, якія павезлі іх у Кіраўск. Далейшы іх лёс невядомы.
Маюцца спісы больш за 40 з 200 ахвяр генацыду яўрэяў у Любонічах.
Памяць У пачатку 1970-х гадоў сваякі перапахавалі парэшткі забітых на габрэйскіх могілках у Бабруйску, дзе ўсталявалі памятную дошку з тэкстам і прозвішчаміШендерович И., Литин А. Еврейские кладбища Могилевской области , стр. 140.
Месца расстрэлу габрэяў Любонічаў не ўстаноўлена. Усім загінулым жыхарам вёскі ўзведзены агульны мемарыял.
Крыніцы
Літаратура
Любонічы Катэгорыя:Гісторыя Кіраўскага раёна Катэгорыя:Любонічы