Баі за Аль-Абейд — эпізод канфлікту паміж прыхільнікамі суданскіх генералаў Абдэля аль-Бурхана і Махамеда Дагала, звязаны з барацьбой за горад , адміністрацыйны цэнтр правінцыі .
У кантэксце суданскага канфлікту 2023 года Аль-Абейд атрымаў стратэгічнае значэнне: за кошт яго Сілы аператыўнай падтрымкі (САП) змаглі адрэзаць большую частку Узброеных сіл Судана (УСС) ад сваіх падраздзяленняў у Дарфуры.
Баявыя дзеянні 15 красавіка фарміраванні САП узялі пад свой кантроль аэрапорт. У сваю чаргу часці УСС знішчылі некалькі аб’ектаў праціўніка ў Аль-Абейдзе. Падчас сутыкненняў паветраная гавань была разбурана. 17 красавіка прыхільнікі Дагала аддалі грамадзянскім асобам, якія жылі вакол аэрапорта, указанне бегчы з-за пагрозы далейшых баёў. Аднак сітуацыя ў наступныя некалькі дзён была адносна спакойнай.
У 9 гадзін раніцы 20 красавіка баі аднавіліся: часці САП разгарнулі наступленне на поўдзень, захад і поўнач горада. Асноўныя баі адбыліся на галоўным рынку і за штаб 5-й пяхотнай дывізіі. Супраць паўстанцаў кінута авіяцыя, якая нанесла некалькі ўдараў па Аль-Абейдзе. 23 красавіка суданская армія абвясціла аб поўным кантролі над населеным пунктам.
4 мая атрады Дагала распачалі другое наступленне на горад, атакаваўшы з усходу і захаду. Баі вяліся ля штаба 5-й пяхотнай дывізіі і ў раёне Аль-Аб’яд. У ходзе новых сутыкненняў байцы САП узялі пад свой кантроль раён Аль-Бант. 23 мая падчас перастрэлкі яны ўсталявалі кантроль над дарогамі на поўдзень і захад ад горада. Да канца мая паўстанцы пачалі заключаць здзелкі з правадырамі плямёнаў у наваколлях Аль-Абейда, каб адрэзаць гарадскі гарнізон УСС ад падмацаванняў.
30 мая сутыкненні ўспыхнулі зноў. 13 чэрвеня сілы Дагала захапілі паўночна-ўсходні ўезд ў Аль-Абейд. 14 чэрвеня армія Бурхана нанесла авіяўдары па пазіцыях САП. Асноўныя баі перакінуліся ў раён Эль-Рахад.
Да 19 чэрвеня наступіла зацішша.
3 ліпеня на захад ад Аль-Абейда адбыўся напад САП на калону Аб’яднаных сіл абароны Дарфура, якая накіроўвалася ў Эль-Фашыр з Белага Ніла для дастаўкі гаручага. Баявыя дзеянні зноў успыхнулі 8 ліпеня. 11 ліпеня атрады Дагала захапілі канвой з гуманітарнай дапамогай.
У жніўні Аль-Абейд пачаў вяртацца да мірнага жыцця, сутыкненні прыпыніліся. 1 верасня стала вядома, што мяцежнікі больш не знаходзяцца ў межах горада. Баявыя дзеянні цалкам спыніліся яшчэ 31 жніўня.
Гуманітарны стан Да 23 красавіка многія мірныя жыхары раёна Альбан беглі, і каля 400 сем’яў знайшлі прытулак у школе Аль-Шарк. У іншых школах горада таксама размясціліся ўцекачы.
Станам на 16 мая засталася толькі адзіная дзеючая бальніца. Былі закрыты гарадскія рынкі.
Да 8 чэрвеня школы, у якіх размяшчаліся ўцекачы, закрыліся, горад застаўся без святла і вады. Дзіцячая смяротнасць рэзка ўзрасла. Гуманітарныя грузы не змаглі дабрацца да жыхароў з-за прыдарожных рэйдаў САП. 13 чэрвеня падача электраэнергіі ў Аль-Абейд была адноўлена.
У трэцяй дэкадзе чэрвеня пасля дасягнення пагаднення паміж прабурханаўскімі плямёнамі і САП падача электрычнасці была адноўлена. Праведзены работы па рамонце вадаправодных станцый і ліній сувязі.
У ліпені падача электраэнергіі ў заходнюю частку горада была адключаная.
Людскія ахвяры Саюз суданскіх лекараў і мясцовыя моргі заявілі, што ў першы дзень баёў загінулі трынаццаць чалавек, дваццаць атрымалі раненні. Яшчэ тры чалавекі былі забіты і адзінаццаць паранены 16 красавіка.
20 красавіка падчас нападу САП на паліцыянтаў загінула 20 і было паранена 40 сілавікоў. Мясцовы прафсаюз лекараў заявіў, што з моманту пачатку баявых дзеянняў па меншай меры 30 мірных жыхароў былі забіты і 70 паранены. 21 красавіка ў выніку перакрыжаванага агню быў забіты супрацоўнік Міжнароднай арганізацыі па міграцыі.
4 мая мясцовыя медцэнтры паведамілі пра 12 забітых і 30 параненых, не лічачы параненых, якія не змаглі дабрацца да бальніцы. Пяць суданскіх салдат былі забіты падчас нападу прыхільнікаў Дагала на навучальны цэнтр на захадзе горада. Трое мірных жыхароў таксама загінулі ў выніку атакі на раён Аль-Сахва. 7 мая 15 чалавек загінулі падчас нападу САП на вёску недалёка ад Аль-Абейда.
6 чэрвеня ў выніку тэракту ў аэрапорце загінулі трое мірных жыхароў.. Да сярэдзіны чэрвеня было забіта яшчэ 20 мірных жыхароў.
Падчас сутыкнення 5 ліпеня загінула дзіця і яшчэ чацвёра атрымалі раненні. Пазней жыхары заявілі, што па меншай меры чатыры чалавекі былі забітыя і сорак пяць параненыя. 30 жніўня забіты яшчэ 14 чалавек.
Рэакцыя 25 красавіка губернатар Паўночнага Кардафана Фадлалах Махамед Алі аль-Том склікаў экстранную нараду з прадстаўнікамі дзяржаўнай бяспекі і іншымі афіцыйнымі асобамі з нагоды баявых дзеянняў, а таксама абвясціў каменданцкі час.
Наступствы 17 верасня байцы Бурхана атакавалі пазіцыі паўстанцаў у Аль-Абейдзе.
8 кастрычніка чатыры чалавекі загінулі ў сутыкненнях у Аль-Абейдзе.
Крыніцы
Спасылкі تغطية خاصة | السودان.. الجيش يسيطر بالكامل على مدينة الأُبيض - al-Arabiya on Youtube
Катэгорыя:Канфлікты 2023 года Аль-Абейд