San Martin de Veneze (comunemente dito San Martin; San Martino di Venezze in italian) el xe un comun de pì de 4.065 abitanti inte ła provinsia de Rovigo.
Zeografia San Martin el se cata a Nord-Est de Rovigo. El teritorio el xe conpletamente in pianura. A Nord el comune el xe dełimità da ł'Adexe e el xe cołegà a Anguiłara da on ponte che traversa el fiume.
Storia Dai ritrovamenti archeołoghi a xe sta dimostrà che el teritorio de San Martin el gera zà cołonizà fin da ł'epoca romana. Inte el 1484 San Martin ła xe pasà dai Estensi de Ferara a ła Repiovega de Venesia, a cui ła xe apartegnua fin al 1797. Inte el 1844 e inte el 1882 San Martin ła xe 'ndà soto aqua a causa de do rovinoxe ałuvion de ł'Adexe. Dopo el pasajo al Regno d'Italia, avegnuo inte el 1866 a San Martin a ghe xe sta zontà ła denominasion de Venezze. Ała rota de ł'Adexe del 1882, a xe seguio on proceso migratorio verso el Sud America che el xe finio soło ai scuminzi dei ani venti. Inte el 1951, dopo ł'ałuvion del Po, a xe scuminzià de novo on proceso migratorio verso łe rejon del Triangoło Industriałe e a on progresivo spopołamento del Comune.
Aministrasion comunałe
Sindachi da l'unità de l'Italia a onquò 1870 - Stefano Venezze 1876 - Carlo Marcassa 1879 - Edoardo Guillon 1880 - Felice Dall'Ara 1881 - Ezio Marcassa 1889 - Giovanni Battista Belloni 1893 - Alberto Guillon 1896 - Giovanni Battista Belloni 1919 - Orfeo Traversi 1921 - Carlo Marcassa 1926 - Antonio Belloni Podestà 1945 - Emanuele Ferrarese co Alberto Favaron (commissari prefetizi) 1946 - Pietro Traversi 1948 - Giovanni Mingotti 1953 - Luigi Menarello 1960 - Rino Gherardo 1975 - Anerzio Bacco 1983 - Antonio Volpe 1986 - Nettuno Orfaci 1995 - Pierpaolo Barison 2001 - Tiziano Bonato 2006 - Roberto Merlin 2011 - Vinicio Piasentini
Evolusion demografica
Categoria:Comuni de ła provincia de Rovigo