Android "Oreo" (nome in codaxe Android O col jera drio xviluparse) xe l'otavo major update e la 15° version del sistema operativo Android. L'è sta publicà co na version alpha co na anteprima xvilupador a marso del 2017 e lansada al publego el 21 de agosto del 2017.
El ga na serie de funsion prinçipali, intra ste cuà el ingrupamento de le notifeghe, suporto picture-in-picture par i video, mejoramenti de le prestasion e otimixasion de la durada de la bataria e suporto par i autofillers, Bluetooth 5, integrasion a livel de sistema co app VoIP, game de colori larghe e Wi-Fi Aware. Android Oreo introduxe anca do funsionalità prinçipal de la piataforma: Android Go - na distribusion software del sistema operadivo par dispoxidivi de basa gama- e suporto par la xonta de on strato de astrasion da l'hardware.
A setenbre 2019, el 27,04% dei dispoxidivi Android el ghea Android Oreo, col 10,47% che che ghea Android 8.0 (API 26) e el 16,57% Android 8.1 (API 27).
Storego Android Oreo el jera sta ciamà inisialmente "Oatmeal Cookie." El 21 de marso 2017, Google ga d'asà l'anteprima xvilupadore de Android "O", a dispoxision par Nexus 5X, Nexus 6P, Nexus Player, Pixel C.
El segondo, in version beta, l'è sta publicà el 17 de majo 2017. La tersa anteprima par xvilupadori la xe sta mesa publega el 8 de zugno 2017 e el ghea la version definitivà API. Xe sta canbià l'intermuxo uxuario de la telecamara, xe stae xontae notifeghe a tema, xontà n'animasion bataria inte le inpostasion: nova icona par la bataria e sfondo scuro pal app relojio e on icona a forma de giosa par le app.
El 24 de luglio 2017 la xe sta publicà la cuarta anteprima par xvilupadori chel ghea i conportamenti del sistema final e le ultime coresion de bug e co le otimixasion. Android "O" l'è sta ufiçalmente lansà el 21 de agosto 2017 col nome "Oreo". El Sony Xperia XZ1 e el Sony Xperia XZ1 Compact i xe stai i primi dispoxidivi disponibili co Oreo preinstalà.
Android 8.1 l'è sta d'asa a Diçenbre del 2017 par i dispoxidivi Pixel e Nexus, chel prexenta coresion de bug minori e modifeghe a l'intermuxo uxuario.
lingambi foresti
Categoria:Sistemi operadivi Android