El termine traxmisionsevente altre varianse e grafie anca trazmision, inte el campo de le tełecomunicasion e de l'informatica, indica el proçeso e i modi/tecneghe che le ga el fin de l'invio de informasion, co dei inpulsi eletreghi e segnałi codeficai, so on canale fixico de comunicasion da un mitente a un o pì destinatari.
La traxmision la xe posìbiłe grasie a l'existensa de mestieri eletroneghi de riçetraxmision, o sia da on traxmetidore e da on riçevidore poxisionae al estremo del canal de comunicasion e che insieme i definise xenericamente on sistema de tełecomunicasion. In xenerale sto proçeso el subise carateristeghe traxmisive del canal de comunicasion, chel canbia pì o men l'informasion traxmetida e'l vincola inte el steso momento i do paramatri de traxmision.
Inportante e nesesàrio pal trasporto de informasion, xe el conçeto de segnal portante e modułasion. Tipi de traxmision La traxmision la se divide en: Traxmision anałoxega; Traxmision dijitałe;
Baxandose sol numaro de destinatari, le traxmision de sto tipo le połe esar a so volta: unicast: el destinatario l'è solo uno de cheli che ghe riva el segnal, ciamà anca traxmision ponto-ponto (point-to-point); multicast: i destinatari i ga da esar solo alguni de cheli che ghe riva el segnal, la traxmision la xe anca ciamada ponto-multiponto. broadcast: i destinatari i xe tuti cheli che ghe riva el segnal e la traxmision la njien anca ciamada ponto-tuti.
Dal ponto de vista del trasporto de l'informasion sol canal, na comunicasion la pole esar: simplex, o sia monodiresional (par exenpio radiodifuxion e tełedifuxion). half-duplex, o sia bidiresional, ma solo uno a la olta (par ex. walkie-talkie). full-duplex, o sia bidiresional inte el steso tenpo tra do uxuari (utenti) (par ex. tełefono).
Inte la materia bea streta a l'informadega, i se difarensia en: traxmision seriałe; traxmision parałeła.
Ste traxmision che njien, le njien doparade inte le comunicasion intrà machine hardware informdeghi:
Inte le reti de tełecomunicasion, dal ponto de vista del formato informadivo traxmeso, na traxmision la pole esar: a fluso corivo; a pacheto o sia divixa in unità informadive dite pacheti, doparada soratuto inte le rete dati informadeghe
Notasion
Categoria:Tełecomunicasion Categoria:Tełemàtega