C.B.E. Rowan Sebastian Atkinson (Consett, 6 de zenaro 1955) el ze un atore, comico, senegiador e produtore sinematogràfego britànego, conosùo par aver interpretà Mr. Bean e l'azente segreto Johnny English inte l'omònema triłozia.
Biografia
Ùltemo de cuatro fradełi, Atkinson el ga frecuentà l'Università de Newcastle e el The Queen's College de l'Università de Oxford, dove che'l se ga indotorà in inzenjeria ełètrega, oltra a aver cołaborà co Robert Musin.
Daspò ła laurea ghe ze l'incontro co Richard Curtis, co'l cuało el ze intrà inte'l mondo de ła comisità. El ga debutà inte'l programa Not the Nine O'Clock News (1979-1982) so ła BBC2. Inte'l 2009 el ga interpretà el roło de Fagin inte'l revival de Londra del musical Oliver!, insìdéndoghene el disco. Inte'l 2012 el ga partesipà a ła serimonia de vertura de łe ołinpiadi cofà Mr. Bean in t'una seneta comica durante ła performance de Chariots of Fire.
Atkinson el ze stà spozà par 23 ani co ła trucadora Sunetra Sastry, da ła cuała el gà avesto do fiołi: Benjamin (1993) e Lily (1995). I do i ga anunsià el divorsio inte'l febraro de'l 2014.
Atkinson el se definise un cołesionista de auto d'epoca e ga racuante otomòbiłi tra cui anca na Ferrari e na Aston Martin. El scrive anca articoli par Car, na revista britànega dedicà a cołori che i ama łe auto Intervista del Corriere della Sera a Rowan Atkinson, 1997 e inte'l magio 2011 el gà partesipà a ła Mille Migliag guidando na BMW 328Mr. Bean a Siena Mille Miglia 2011 - YouTube. El ga anca partesipà a'l programa Top Gear inte ła sełesión Star in a Reasonably-Priced Car guidando ła Kia Cee'd co'l tenpo de 1:42.2.
L'ator el ga riscià pì vòlte de pèrder ła vita: inte'l 1999 el ze usìo sensa ferìe da un insidente automobiłistego la Repubblica.it, inte'l 2001 el ga riscià ła vita co'l gera drìo zvołar a bordo de un areoplan privà in conpanjìa de ła só fameja e inte'l 2011 el ga avùo un incredibìłe insidente automobiłistego co ła so Mc Laren in F1 a Haddonil corriere.it.
Note
Atkinson, Rowan Categoria:Nasesti inte el 1955