400px|thumb|Sede del Bundestag. Pałaso del Reichstag
El Bundestag (in veneto Dieta federałe) xe el parlamento federałe todesco e el se fa come ła raprexentansa popołare de ła Republica Federałe de Xermania. Ga sede a Berlin dal 1990, ano andove ła capitałe ła jera sta spostada da Bonn; prima del 1949, fin al 1945, al posto del Bundestag ghe jera el Reichstag.
Conpoxision El Bundestag xe atualmente conposto da 709 deputai, ełeti co on sistema proposionałe personałixà: l'eletore dispone de dù schede, co una el deside on candidà inte ła propria circoscrision e co che l'altra on partio, ła ripartision dei parlamentari a liveło federałe xe proporsionałe dato che łe careghe łe xe dae su ła baxe dei voti ciapai inte ła seconda scheda, chesto xe posìbiłe visto che el Bundestag no ga on numaro fiso de membri.
Ripartision de łe careghe El modo de ripartision de łe careghe doparà xe sta fin al 2008 cheło de Hare-Niemeyer . Dal 2008, el sistema doparà xe cheło de Sainte-Laguë. I va drento a ła ripartision de łe careghe soło łe liste che łe ga suparà el 5% dei voti (5% Klausel) o che i gapia ełeto almanco tre deputai inte i cołexi maxoritari.
Lexislatura thumb|Discorso de George W. Bush davanti al Bundestag inte el majo 2002. (foto: Casa Bianca servizio fotografico)|274x274px
El periodo de lexislatura del Bundestag dura quatro ani. El Bundestag tedesco tien łe so sentae dal 1999 inte l'edifiso del Reichstag (nome de ła dieta fin al 1945). I deputai i porta el titoło de menbri del Bundestag (MdB).
Ełenco lexislature I: 7 de setenbre 1949 - 7 de setenbre 1953 II: 6 de otobre 1953 - 6 de otobre 1957 III: 15 de otobre 1957 - 15 de otobre 1961 IV: 17 de otobre 1961 - 17 de otobre 1965 V: 19 de otobre 1965 - 19 de otobre 1969 VI: 20 de otobre 1969 - 22 de setenbre 1972 VII: 13 de disenbre 1972 - 14 de disenbre 1976 VIII: 14 de disenbre 1976 - 4 de novenbre 1980 IX: 4 de novenbre 1980 - 29 de marso 1983 X: 29 de marso 1983 - 18 de febraro 1987 XI: 18 de febraro 1987 - 20 de disenbre 1990 XII: 20 de disenbre 1990 - 10 de novenbre 1994 XIII: 10 de novenbre 1994 - 26 de otobre 1998 XIV: 26 de otobre 1998 - 17 de otobre 2002 XV: 17 de otobre 2002 - 17 de otobre 2005 XVI: 17 de otobre 2005 - 17 de otobre 2009 XVII: 17 de otobre 2009 - 22 de setenbre 2013 XVIII: 22 de setenbre 2013 - 24 de setenbre 2017 XIX: 24 setenbre 2017 - 26 de setenbre 2021 XX: 26 setenbre 2021 - en corso
Presidente del Bundestag El presidente del Bundestag njien eleto de regoła inte ła sentada costituente del parlamento, xe espresion de ła Fraktion (grupo parlamentare) pì numaroxa. Xe afiancà da on praesidium conponesto da on serto nùmaro de visepresidenti, in maniera che tuti i grupi i posa esare drento sto qua raprexentai.
Sistema Lexislativo e consejo federałe El sistema lexislativo todesco preveda ła prexensa, oltre al Bundestag, anca del Bundesrat, el Consejo federałe: se trata de on sistema che par quanto rivarda łe lexi federałi ricorda on fià cheło bicamerałe in dopara in Italia a parte che par ła funsion de ła seconda camara.
Note
Categoria:Zermània Categoria:Parlamenti par nasionałità