La Provincia de Verona l'è na provincia italiana del Veneto de 925 000. Lè la seconda provincia del Vèneto e del Triveneto par numero de abitanti ( dopo chela de Padoa). El só capoluogo l'è apunto la sità de Verona e la confina a Nord col Trentin-Alto Adexe (Provincia de Trento), a est co la Provincia de Vicensa e co la Provincia de Padova, a sud co la Provincia de Rovigo, a sud e a ovest co la Lombardia (Provincia de Mantoa e Provincia de Brescia).
El teritorio de la provincia el ciapa drento la zona dei a Nord, la Pianura Veronexe (che i ghe ciama anca "la Basa") a Sud, e a Ovest la zona del Lago de Garda, del Baldo e dela Val d'Adexe.
Teritorio thumb|left|150px|L'Arena de Verona. La provincia de Verona lè la seconda provincia del Veneto par estension, dopo chela de Belùn. El teritorio veronexe lè composto par el 51% da la pianura, par el 28% da coline e par ell 18% da montagne inveze la superficie lacustre del Lago de Garda la rapresenta el 5% de la superficie de l'intiera provincia.
La provincia lè formà da macro aree: l'area metropolitana, chela conprende la cità e i comuni vizini la Lesinia la Valpolicela l'Est Veronexe; la Pianura Veronexe, che lacomprende el Vilafranchese, la Media Pianura veronexe, la basa Veronexe, el Colognexe e bona parte de le Grandi Vali Veronexi
Clima La provincia de Verona la fa parte de na zona climàtega del tipo continental, co inverni fredi ed istà calde e afose, ma influenzà anca da le Alpi. A diferenza del clima de bona parte del veronexe, la zone del Lago la gà un clima de tipo sub-mediteraneo. La tenperatura mèdia anuale la varia dai 9 °C registrà da la stazion meteorologica de San Bortolo (na picola frazione de Selva de Progno) ai 14 °C misurà a Salizol. La zona co tenperature piasè la se estende drio na direzion che la va da NO a SE: scomiziando dal lago de Garda (doe la gran quantità de àcua la mitiga asè le condizion locali)e rivando a un nucleo caldo colocà inte la Basa Veronexe.
Comuni La provincia la conta calcosa come un zentenaro de comuni.
Comuni prinsipałi Verona - 260 125 abitanti Viłafranca de Verona - 33 246 abitanti Legnago - 25 344 abitanti San Gioani Lupatoto - 24 991 abitanti Tra i comuni piesè grandi se pol nominar anca San Bonifaso, Bovolon e Cerea.
Comuni de ła Provincia
Varda anca Trèdaze Comuni
Cołegamenti forèsti Sito Uficiałe de la Provincia