Band of Brothers ła xe na miniserie tełevixiva de i Stati Unii de xenare bełego, produxesta da Steven Spielberg e Tom Hanks, insenbre a‘l network HBO. Ła miniserie ła xe ciapada da’l łibro (Band of Brothers: E Company, 506th Regiment, 101st Airborne from Normandy to Hitler’s Eagle’s Nest) de’l 1992 de’l stòrego Stephen Ambrose, che A‘l ga partesipà anca cofà consułente. Inte’l 2010 i stisi creadori de Band of Brothers ( Steven Spielberg ,Tom Hanks, Gary Goetxman) i ga produxesto n’altra miniserie de 10 puntàe ciamada The Pacific, insentrada so ła guera de’l Pasìfego. Produsion Ła miniserie ła xe tirà fora da na publegasion de Stephen Ambrose, autore de D-Day, el łibro da ndóe A i ga ciapà spunto par fare Saving Private Ryan (Salvate il Soldato Ryan), che de coeło A’l ga fato anca da consułente stòrego.
Trama Anbientada inte ła seconda guera mondiałe (de presixo da’l 1942 a’l 1945), ła miniserie ła parla de ła Easy Company (Conpanjìa Easy) de’l 2° Batajon, 506° Rejimento Fanti Paracadutisti, 101ª Divixion Aerioportada, de l’Exersito dei Stati Unii, da’l so adestramento a Camp Toccoa in Georgia a’l so dispiegamento so’l fronte europèo fin a ła fin de ła guera.
Curatesa stòrega In serte puntàe (3, 4 e 6) A se vede diversi tipi de mexi corasadi todeschi, che A no i xe mìa orixenałi, ma el fruto de un laoro de adatamento de altri mexi pì fàsiłi da catare, fato da i tècneghi de ła produsion. El Panxer VI Tiger I el xe stà tirà fora da un T34/85 sovìetego (A xe probàbiłe che’l sìe el steso uxà so Saving Private Ryan), el semovente Sturmgeschütx III el xe stà tirà fora da un FV-432APC ingrexe, el caciacari Jagdpanxer V Jagdpanther el xe stà tirà fora da un T-54/55 sovìetego; el semicingołà Sd.Kfx.251 el xe un OT-810 cecoxlovaco, somejante al modeło todescho, che A ghe xe stà dipinxesto sora łe fiancade łe croxi de fero.
Reconosimenti Band of Brothers el ga risevùo 19 nomination a i Emmy Award e ne ga vinti 6. In pì A’l ga vinto un Golden Globe come mejo miniserie o film par tełevixion (2002) e un premio de l’American Film Institute.
Cołegaminti esterni HBO Band of Brothers sito ofisałe
Categoria:Fiction tełevixive Categoria:Film de guera