Ła cieza de Santa Maria de ła Prezentasion, dita in zeneràl de łe Zitełeo sevente altre grafie de łe Xitełe, el ze un edifisio lerijozo de ła sità de Venesia łogà a l'estremo oriental de l'ìzoła de ła Zuèca.

La Cieza ła ze consacrada a ła prezentasion de ła Beata Vèrzene Maria e ła fa parte de un conpleso che'l conprende un ex ospìsio par zòvane toze sensa dote (da cui el nome co cui ła ze conosùa).

Storia La Cieza ła ze parte de un conpleso ecleziàstego creà da'l gezuita Benedetto Palmi par asìster toze pòvare; a l'època cueełe che łe gaveva l'età par aver marìo (dite "zitełe"), ma masa povarete par aver na dote, łe finiva de frecuente par darse a ła prostitusion (che a'l tenpo de ła Repùblega de Venesia no ła venjiva dai nòbiłi e da'l governo łocal); inte l'ospìsio ghe gera invese insenjà un mistièr cofà el cuzìo o i merléti in mùodo da podèr pensàr a'l pròpio mantenjimento.

Fonti del Sìesento łe atribuise ła prozetasion de ła Cieza a l'architeto Andrea Palladio, sensa parò che reserche anca resenti łe gabia podesto trovàr da nòvo tràse documentarie o gràfeghe de un só intarvento: in realtà ła mazor parte dei studiozi i esprime forti dubi so 'sta atribusion.Chiesa delle Xitelle in «Mediateca Palladio», CISA - Centro internaxionale di studi di architettura Andrea Palladio

Anca se l'acuisto de l’area de costrusion a ła Zueca el resałe a'l 1561, el scominsio dei łaori el ze drìoman ła morte de Palladio: ła prima pièra ła ze stada butada zó inte'l 1581 e ła vien consacràda inte'l 1588. In realtà dezà inte'l 1575-1576 A se ga documentasion de inzenti acuisti de materiałi da costrusion, fursi destinài pròpio a ła cieza. Su 'sto fato , ipòtezi resenti łe pensa a un posìbiłe prozeto paładian ła cui data ła resałirìa a ła metà dei ani 1570, ma né ła fasàda né l’interno de ła Cieza i mostra carateri che i posa refarìrse in modo inecuivocàbiłe in maniera inequivocàbiłe a'l lenguàjo paładian, a manco de na reałizasion stremaménte maldestra e infedełe.

Descrision thumb|left|Ła fasàda

L'ospìsio el se zviłupa a fero de cavało datorno a ła Cieza łasando el spasio, dadrìo l'abside de ła cieza, par na corte. La fasàda de ła Cieza ła ze a do órdeni co do fenestre inte'l primo e na granda termal a'l segondo órdene, pì alta rispeto a łe do a de l'ospìsio ze seràda da un tìnpano. Do tore canpanarie picenine łe ze desponéste simetricamente sòra el tìnpano e na granda cùboła co un inponente feràl el sera ła costrusion.

A l'interno l'inpianto el ze sentral e ła sała ła ze dominàda da ła arcàda de ła cùboła. A l'altèr sànco òpare de l'Aliense: Madonna col Bambino, San Fransesco e 'l procurador Federigo Contarini.

A l'altàr maxor Presentazione al Tempio de Leandro Bassano.

A l'altare dreto na òpare de Palma el jovane, Orazione nell'orto e committenti.

Alguni coreti co intràda direta a l'ospìsio i evidensia el streto łìgame de ła Cieza co ła strutura.

Note

Altri progeti

Linganbi foresti

Chiesa delle Zitelle in «Mediateca Palladio», CISA - Centro internaxionale di studi di architettura Andrea Palladio. (fonte da cui xe stàda ciapàda ła storia de ła cexa)

Xitełe Xitełe Categoria:Ceze dèdegae a Maria