Eleonora Pedron (Canpo San Piero, 13 de lujo 1982) xe na showgirl e atora itałiana.
Biografia Dopo aver partisipà na prima volta inte'l 1999, ła vien ełeta Miss Itałia 2002 co'l nùmaro 039. Da'l setenbre de'l 2003 ła ze sernìa come prima "meteorina" de'l Meteo 4 da'l diretor Emilio Fede. Drioman ła ga el roło de prezentadora de Sipario del Tg4 inte ła stajon 2004-2005 par po' tornàr inte'l 2007.
Inte ła stazon 2005-2006 ła afianca el zornałista Sandro Piccinini inte'l programa sportivo Controcampo, in onda so Italia 1. Inte'l 2006 ła ze una de łe tre protagoniste de'l film Vita Smeralda, de Jerry Calà. L'ano drìo ła ze stà tra i concorenti de'l reality show Notti sul ghiaccio 2, prezentà da Milly Carlucci so Rai Uno.
Inte'l 2008 ła afianca Davide Mengacci inte i programi de cuzina itineranti, Fornelli in crociera e Fornelli in piazza in onda so Rete 4, ła ze tra i interpreti de ła sit-com de Italia 1 Medici miei, 'rente de Enzo Iacchetti e Giobbe Covatta. Inazonta ła ze inte'l cast de'l film Il seme della discordia, par ła rezìa de Pappi Corsicato, in concorso a ła Mostra de'l Sinema de Venesia.
Inte'l 2009 l'è tra i parsonaji de ła sit-com de Italia 1 Così fan tutte, co Alessia Marcuzzi e Debora Villa. Inte'l 2010 ła interpreta el roło de Alessandra inte ła fiction Donna detective.
Inte'l 2012 ła ze protagonista inte'l video de Umberto Tozzi Se tu non fossi qui, zirà inte'l casteło de Torrechiara, visin a Parma.
El 13 febraro 2013, co'l conpanjo Max Biaggi, ła ze infrà i cusìditi "proclamadori" de'l Festival de Sanremo, prezentà da Fabio Fazio par proclamar i Modà.
Vita privà Novisa co'l canpion de motosiclizmo Max Biaggi, ła do putèłi: Inés Angelica nasùa el 22 setenbre 2009 e Leon Alexander nasùo el 16 desenbre 2010, entranbi a l'Princess Grace de Montecarlo.
Carièra Sìnema 2006 - Vita Smeralda 2008 - Il seme della discordia
Fiction tełevizive 2008 - Medici miei - Sit-com - Italia 1 2009 - Così fan tutte - Sit-com - Italia 1 2010 - Donna detective - Fiction - Raiuno
Programi tełevixivi 2003/2005 - Meteo 4 - (prima prezentadora) - Rete 4 2004/2005 - Sipario del TG4 - (prezentadora) - Rete 4 2005/2006 - Controcampo coSandro Piccinini - (co-prezentadora) - Italia 1 2007 - Sipario del TG4 - (prezentadora) - Rete 4 2007 - Notti sul ghiaccio 2 co Milly Carlucci - (concorente) - Raiuno 2008 - Fornelli in piazza co Davide Mengacci - (inviata) - Rete 4 2008 - Fornelli in crociera co Davide Mengacci- (inviata) - Rete 4 2013 - Festival di Sanremo - co Fabio Fazio e Luciana Littizzetto - (anunsiadora co'l conpanjo Max Biaggi) - Raiuno
Linganbi foresti
Eleonora Pedron su Flickr
Categoria:Atori itałiani Categoria:Miss Italia Categoria:Nasesti inte el 1982