Ła bissona xe na inbarcasion venesiana a remi.
Se trata de na inbarcasion de tipo speciałe da ła łinea snèła, vełoce e a fondo piato, utiłixàda esclusivamente a uxo da paràda e de cortei aquei. Ła xe caraterixàda da riche decorasion de caratere tematico e vien spènta tìpegamente da oto vogadóri.
El nome riva dal diałetal bissa che stà a indicàr la bissa d'aqua, animàl un mucio vełoce co ła nùa, mentre ła tipołogia de l'inbarcasion riva in ùltima da antighi batèłi da guèra, caraterixài da agiłità e manevołésahttp://venicexplorer.net/tradizione/barche/bissona.htm.
Łe bissone vien utiłixàe a fin çełebrativo in ocaxion speciałi, come inte el caxo del corteo aqueo che verxe ła Regata Storica o in rievocasion de manifestasion tradisionałi cuałi el Spoxałisio del Mar.
Łe bissone tradisionałi a oto remi atualmente in uxo xe diexe, el cui nome riciama anca ła decorasion spesìfega:Venesiana, Bixantina, Cinéxe, Floreal, Pescantina, Geografìa, Netun, Resonico, Querini e Cavałihttp://www.doge.it/regata/regata14.htm (So'l sito i nomi de łe decorasión xe in itałian).
A staltre se xonta altre do inbarcasion ciamàe anca łòre comunemente bissone ma caraterixàe in realtà da na diversa tipołogia costrutiva: ła bissona Serenissima, lónga dixisete metri a fondo cołonbà ansichè piato e mosa da disdoto vogadori http://www.veniceboats.com/bissona-serenissima.htm dal sito veniceboats.com, e ła bissona Dogaressa , che in realtà xe na gondoła special a quatro remi, ricamente decoràda e caraterixàda da dimension maxor rispeto a łe gondołe tradisionałi.
Note
Categoria:Inbarcasion venesiane