Carson City ła xe ła cavedal del stato federà de ła Nevada, inte i Stati Unii de America, co na popołasion de 55.274 abitanti (2010). Xe situada a poche diexene de km dal confin co ła California. Nei ani pasà el gera un inportante sentro minerariopar l'estrasion de l'argento, ełemento al qual xe dedicà un muxeo.
Storia Ła xona de ła Eagle Valley xe sta esplorà par ła prima olta da Kit Carson torno al 1840 e sùito dopo i primi cołoni bianchi i taca rivare, soratuto co ła scoverta de l'oro de ła California inte i ani 1848-1849.
Co xe el 1851 vien costruida Eagle Station, na stasion comercial co un ranch picenin che vien cronpà torno al 1858 da Abraham Curry, el vero fondador de Carson City. Un ano pi tardi, el 1859, vien catà argento su par łe cołine a est de ła sità e sbari de minadori i scumisia stansiarse a Carson. Intel 1860, Carson City devien na stasion del Pony Express e el 1861 xe ła data de co vien dichiarà cavedal del Teritorio del Nevada. Intel 1873 vien scoerto n'altro grando giacimento de argento, el Big Bonanza, che conporta ła costrusion de na ferovia al servisio dei minadori e al trasporto de łegno e metało.
Categoria:Cavedałi de stati dei Stati Unii de l'Amèrica Categoria:Sità dei Stati Unii de l'Amèrica