250 px|miniatura|sinistra|San Stae so'l Canal Grando Canpo San Stae o Canpo San Eustachio el ze un canpo de'l sestier de Santa Croze e el se afasa avalìo (diretamente) so'l Canal Grando.
Descrision El canpo el ciapa el nome da ła cieza de San Stae, antigo edifisio che'l ga łe só orìzene inte'l XII sècoło, atualmente caratarizà da na decorada fasada baroca de'l XVII sècoło. A sanca de ła cieza, el se afasa so'l canpo n'altro edifisio, de dimension picenine: el ze ła Scoła de i Tiraoro e de i Batioro, de'l XVIII sècoło. Entranbi i edifisi i ospita de łe espozision d'arte.
Canpo San Stae el ze na via pitòsto trafegada sia par ła só visinansa de Ca' Pesaro sede de ła Gałarìa internasionàl d'arte moderna de Venesia, sia par l'inbarcadero de i batełi da rente el canpo steso.
A pochi pasi da'l canpo, so ła sałizada de San Stae, ła ga in azonta sede na inportante architetura sìesentesca: Pałaso Mocenigo, sede de na gałarìa d'arte comunałe.
Curiozità Canpo San Stae el conpare inte łe sene de'l film Anonimo Veneziano de Enrico Maria Salerno.
Siti da vardàr Pagina Facebook de Canpo San Stae - Wikipedia Bar San Stae Fermàda Vaportti San Stae Articoło del Corriere del Veneto "San Stae, turista francese danneggia un'opera della Biennale d'Arte The Churches of Venice - Santa Croxe Boat Stop San Stae (In Inglexe) B&B de San Stae
Stae