Java xe un lenguajo de programasion de alto liveło, derivà dal C++ (e quindi in qualche manièra anca dal C) e creà da James Gosling e altri ingegniri dea Sun Microsystems. A piataforma de programasion Java xe fondà sol linguajo stesso, soa Macchina virtuae Java (Java Virtual Machine o JVM) e soe API Java. Sun Microsystems (e dónca anca Java) xe stà conprà da Oracle. Java xe, dónca, un marchio registrà de Oracle.

Storia El grupo de sviupatori del proget li ga tacà laorare inte el 1991, al linguajo ghe xera sta dato el nome Oak, ma li ga dovesto canbiarlo in Java par rogne de copyright (Ghe zera xa un linguajo de nome Oak). I programaturi infatti li ndava bevarse un cafe al bar par parlare de sto projeto, e da questo ghe ga dato el nome. (Java xe na sorta de cafè che vien da l'isoea de Giava, in Indonesia. Gnanca farlo aposta, el magic number che identifica un de bytecode otegnuo dala compiassion de un file Java xe 0xCAFEBABE (pararia riferirse aa cameriera che ghe portava el cafe).

Java xe stà presentà ufficialmente el 23 de majo 1995 a SunWorld.

El 13 novembre 2006 a Sun Microsystems ga rilassà el compiatore e a Machina Virtuae Java soto GPL"Q: What components of the JDK software are you open sourcing today? A: We're open sourcing the Java programming language compiler ("javac"), and the Java HotSpot virtual machine."Free and Open Source Java FAQ ; the source is being released via the OpenJDK project..

L'8 maio 2007 SUN ga rilassà anca e librarie, (manco dee parti che no zera dea Sun) soto licensa GPL, faxendo in modo de rendare Libaro el Java!.

El 27 xenàro 2010, Sun Microsystems (e dónca anca Java) xe stà conprà da Oracle .

Caratteristiche Java xe stà creà par quatro rason: essare orientà ai ogeti essare funsionante in ogni piataforma gaver strumenti e librarie par el networking essare projettà par eseguire codexe da sorgenti remote in modo sicuro Par fare in modo che i programatori vecio-stie i podesse usare sensa tante rogne sto linguajo, i ga mantegnesto tante robe del C, a sintassi de base, (struture de contreo, operatori e cussì via).

Orientamento ai ogeti

La prima carateristega, l'orientamento ai ogeti, a se riferisse a un moderno metodo de programasion e projetasion, la programasion orientà ai ogeti (OOP).

L'idea ala base dea OOP a xe de rapresentar, nea projetasion del software, le entità reali o astratte che compone el problema soto forma de ogeti. I ogeti xe caraterixai da dele proprietà (definìe variabili o campi de istansa o de esemplare) e de metodi aplicàbiłi sui ogeti stessi, che pode ad esempio modificarne lo stato o estrarne informasion.

I programi scriti in Java i pode essere unicamente orientài ai ogeti, de conseguensa tuto el còdese el ga da essere necessariamente incluso in una classe.

Siben che Java possa operar sia su ogeti che su tipi de dati primitivi, el xe considerà un lenguajo ad ogeti puro, o sia inte el quale i ogeti xe le entità de base del lenguajo, anziché essere costruìi partendo da costrutti ad un inferiore livèo de astrasion.

Version

JDK 1.1.4 (Sparkler) 12 setenbre 1997 JDK 1.1.5 (Pumpkin) 3 dicembre 1997 JDK 1.1.6 (Abigail) 24 aprile 1998 JDK 1.1.7 (Brutus) 28 setenbre 1998 JDK 1.1.8 (Chelsea) 8 aprile 1999 J2SE 1.2 (Playground) 4 dicembre 1998 J2SE 1.2.1 (none) 30 marzo 1999 J2SE 1.2.2 (Cricket) 8 lujo 1999 J2SE 1.3 (Kestrel) 8 de majo 2000 J2SE 1.3.1 (Ladybird) 17 de majo 2001 J2SE 1.4.0 (Merlin) 13 febraro 2002 J2SE 1.4.1 (Hopper) 16 setenbre 2002 J2SE 1.4.2 (Mantis) 26 zugno 2003 J2SE 1.5.0 (Tiger) 29 setenbre 2004 Java SE 6 (1.6) (Mustang) 11 dicembre 2006 Java SE 7 (Dolphin) 28 lujo 2011 Java SE 8 18 marzo 2014 Java SE 9 21 setnbre 2017 Java SE 10 20 marzo 2018 Java SE 11 25 setenbre 2018

Note

Altri projeti

Coegamenti esterni Java sul sito dea Sun Microsystems Sito dea Sun Microsystems El novo portae de Java OpenSource Java e e so tenologie (Opensource) Java open source: not an hoax OpenJDK Full Java Tutorial Java Application Development un Linux Libro in formato pdf (open source) Programi Java con sorgenti opensource Portae dea comunità MokaByte Javaportal Un video corso in talian su Java Articoi sue varie tenologie java Evento itinerante organixà dai Java User Groups italiani

Categoria:Java Categoria:Lenguajo JVM