Par 4 persone ghe vol:
320 g de bigołi 150 g de roinàsi o coradełe (polmon, core, figadini) de cavreto 1 zeóła 1 carota 1/2 ganba de sełeno 1/2 goto de vin bianco 4 cuciari de ojo de oliva veneto 4 cuciari de formajo grana padan gratà sałe pevare
Tritare ła zioła, ła carota e el sełeno e desfrizarli coł'ojo in na farsora. Tajare a toketi łe coradełe e versarle 'nteła farsora del desfrito. Quando ke łe ga ciapà cołore, se versa el vin e se regoła de sałe e pevare. Intanto se cuxina i bigołi in na pignata con tanta aqua sałà. Finìa ła cotura, se buta i bigołi in tarina e se versa sora el desfrito cołe coradełe e el formajo gratà. Keno consiłià: Cabernet dei Cołi Bereghi.
Categoria:Cuxina veneta Categoria:Pasta