Ła brèdoła (o bredol, albareła o bioła, beđòl o pirca (nome sientifego Betula) ła xe na pianta de ła fameja de łe Betulaceae. in inglexe se dixe birch, in todesco Birke, in sloveno bréza, in italian betulla. thumb|left|Un bosco de bredołe Ła pol rivare a 15-30 metri de altesa e vivare fin a 160 ani. Sta pianta la buta el połine intrà febraro e apriłe.
Ałergia a ła bredoła Fra febraro e aprile el połine fa danare kuei che xe ałergici al połine de bredoła, co starnui, bruxor de oci e asma (ałergia a ła bredoła). In Scandinavia ła bredoła, o mejo el so połine, xe l'ałergene che fa vegnere pi ałergie de tuti. Ła bredoła come albaro sinboło
Ła bredoła xe l'albaro nasional de ła Finlandia
El legno
thumb|legno de bredoła|sinistra El legno de bredoła el rexiste al seco e al'umido e el vien doparà dal marangon par fare careghe, tołe, scałe, ma anca socołi e dóe de łe boti. Senpre el legno de bredoła xe un otimo legno da bruxare.
El suco de bredoła
thumb|left|Foje e fruti de bredoła Faxendo dei taj suła scorsa, se pol tirar fora un suco, un fià dolse, verde ciaro, bevù in specie in Finlandia, Estonia, Letonia, Lituania, Rusia, Bielorusia e Ucraina: el suco de bredoła. Secando i buti e łe foje, se pol avere un te diuretico, xontàndoghe aqua de bojo.
El ksiłitoło, sucaro del legno
Dała bredoła se tira fora el ksiłitoło o sucaro del legno (formuła chimica C5H12O5), thumb|left|Ła strutura biochimica del ksiłitoło un alcol che el ga manco całorie del sucaro normałe (sacarosio) e el pol esare doparà dai diabetici sensa che el ghe tira su el liveło de sucaro inte el sangue (glicemia). Doparà drento ła ciunga (ciunghe al ksiłitoło), el defende i denti da ła placa baterica e da ła carie. thumb|Cristałi de ksiłitoło|sinistra Çerti studi i ga anca fato vedare che el ksiłitoło (łe ciunghe al ksiłitoło) el pol prevenire łe otiti. Ocio coi can perché el ksiłitoło el xe vełenoso par lori e se i ghin magna tanto, i pol morir.
Categoria:Àlbare Categoria:Fagales