Tadej Pogačar, Komenda, 21 de setenbre 1998) el ze un siclista so strada zloveno che’l core par l'UAE Team Emirates XRG.
Soranomenà Pogi, el ze profesionista da’l 2019. El ze considerà da molti el più forte siclista da i tenpi de Eddy Merckx. El primegia in salita e su'l paso e el ze dotà de un òtemo spunto in arivi ristreti, oltra ad òteme cuałità inte łe corse a cronometro. El ze par zonta abiłe anca so tereni asidentài cofà el sterà e el pavé. Tałe caratarìsteghe, che ło rende adato sia a łe corse a tape che a łe corse de un zorno, łe ghe consente, da’l 28 setembre 2021, de covèrzer ła prima pozision de ła clasifega mondiałe individuałe UCI.
Inte ła só cariera el ga vinsesto cuatro Tour de France (inte'l 2020,Risultando, a 21 anni e 364 giorni, il più giovane vincitore del Tour da Henri Cornet nel 1904 inte'l 2021, inte'l 2024 e inte'l 2025), un Giro d'Italia (inte'l 2024), ła medaja d'oro in linea a i Mondiali 2024 e 2025, ła medaja d'oro in linea a i Europei 2025, tre Liegi-Bastogne-Liegi (inte'l 2021, inte'l 2024 e inte'l 2025), sincue Giri di Lombardia (inte'l 2021, inte'l 2022, inte'l 2023, inte'l 2024 e inte'l 2025), do Giri delle Fiandre (inte'l 2023 e inte'l 2025), tre edision de łe Strade Bianche (inte'l 2022, inte'l 2024 e inte'l 2025), un'Amstel Gold Race (inte'l 2023) e do Freccia Vallone (inte'l 2023 e inte'l 2025). Par cuanto revarda łe corse a tape minori el ga vinsesto do edision de ła Tirreno-Adriatico (inte'l 2021 e inte'l 2022), tre UAE Tour (inte'l 2021, inte'l 2022 e inte'l 2025), una Parigi-Nizza (inte'l 2023), una Volta Ciclista a Catalunya (inte'l 2024), un Giro del Delfinato (inte'l 2025), oltra a ventun tape a'l Tour de France, sie tape a'l Giro d'Italia e tre tape a ła Vuelta a España, a cui se zonta ła medaja de bronzo in linea ai Giochi Olimpici 2020 e ła medaja de bronzo in linea a i Mondiali 2023.
Notasion
Categoria:Siclisti