La mariaòrba (Coccinella septempunctata ( Linnaeus, 1758)) ła xe un coleotaro partegnente a ła fameja coccinellidae.
Descrisiòn Adulti La prinsipàl carateristega de C. septempunctata ła xe i sete punti neri che ła ga su la s-cèna, anca se pol èssar che qualche d'una ła g'àvia na colorasiòn difarente. Łe ga na forma tonda e łe xe longhe fin a 9 mm.
Larve Le larve łe xe slonghè e nere, con dele mace aranso su la s-cèna.
Biolozia
La mariaòrba ła xe un predador de afidi e altri picoli bai, ła de ne magna fin a 100 al giorno, sia i adulti sia le larve. Ła femena ła fa l'ovo sui fusti de le piante. I ovi i xe giàli e na femena ła de ne pol farghene fin a domila nte na olta. Quando che i se verxi łe vegni fòra le larve, che łe scoménsia a magnar afidi e łe sèita par tri stimane. A la fin de lo stadio larvale la larva ła fa la muta e ła vien crixalide, e ła de resta par una stimàna. Da ła crixalide el vegni fora l'adulto, ch'el camparà par 4/6 stimàne. Gràsie a le so abitudini ła xe usà inte ła lota biologica.
Distribusiòn C. septempunctata la se pol catàr en tuto el mondo forchè i poli.
Note
Altri projeti
Categoria:Baùti