Le Ìzołe Vèrzeni statunitensi o Ìzołe Vèrzeni americane (in ingleze ufisalmente Virgin Islands of the United States), łe ze un teritòrio no incorporà dei Stati Unii de l'Amèrica, parte de łe Picenine Antiłe, inte el Mar dei Caràibi. Łe ze inte ła lista de łe Nasion Unie dei teritori no autònomi.
Zeogràfia fizega Łe forma un arsipèłago de 53 ìzołe volcàneghe. Łe ìzołe prinsipałi łe ze San Tomàin ingleze Saint Thomas e San Zaniin ingleze ''Saint John'', 64 km a est de Porto Rico, e Santa Crozein ingleze Saint Croix, [seɪnt ˈkrɔɪ], 64 km a sud de łe prime do. Łe prime do łe ze bagnae da el Osèano Atlantego a nord e da el Mar de i Caraibi a sud; ła ultema ła se cata intieramente int'el Mar de i Caraibi.
Inte l'arsipèłago el ze sta fondà inte el 2 de agosto del 1956 el Parco nasionałe de łe Ìzołe Vèrzeni.
Zeogràfia umana Granda parte de ła popołasion, formada da vari grupi ètneghi de orìzane africana e eoropea, i vive inte łe ìzołe prinsipałi. Le ìzołe łe gode de autonomia aministrativa ezersitada da un senato formà da cuìndaze menbri. I abitanti, partindo dal 1932, i ga ła sitadinansa statunitense.
El turismo el ze l'atività prinsipałe, sibè che Santa Croze ła gàpia doparà fondi statunitensi par desviłupare l'indùstria, col rezultà de gaver vesto una de łe pì grandi rafinarie de petrojo del mondo, uncó parò cuazi del tuto in foradòpara. Ghe se produze in pì cana da sùcaro, rum e ła ze stra-fiorente l'atività de ła pesca.
Gałeria de someje
Notasion
Altri projeti
Linganbi foresti
Vèrzeni statunitensi Categoria:Teritòri dei Stati Unii d'Amèrica Categoria:Amèrica del Nord