Saturno el ze el sesto pianeta del sistema sołare in órdene de distansa dal Sołe e el secondo pianeta pì masìcio dopo de Zove. Co un rajo mèdio 9,48 volte cueło de ła Tera e na masa 95 volte pì granda a cueła terestre. Saturno, co Zove, Uran e Netun, el ze clasifegà cofà zigante gasozo. El nome el deriva da l'omònemo dio de ła mitołozia romana, omòłogo del titan grego Crono. El so sìnboło astronòmego (♄) ła ze na raprezentasion stiłizada de ła sèzoła del dio de l'agricultura.
Saturno el ze conponesto par el 95% da idròzeno e par el 3% da èlio seguio da altri ełementi. El nùcleo, fato de siłicai e jasi, el ze circondà da un speso strà de idròzeno metàłego e da un strà esterno gasozo.
I venti inte l'atmosfera de Saturno i połe rivar ai , rezultando signifegadivamente pì ràpidi de cuełi su Zove e lejeramente manco ràpidi dei venti che sùpia inte l'atmosfera de Netun.
Saturno el ga un estendesto e vistozo sistema de anełi che i ze fati prinsipalmente de partezełe de jaso e pólvari de siłicai. Co łe so 82 lune conoseste, Saturno el detiene el primà par el pì alto nùmaro de satèłiti del sistema sołare. Intrà ste cuà, Titan ła ze ła majore e anca l'ùgnoła luna del sistema sołare che ła ga un'atmosfera signifegadiva.
Notasion
Altri projeti
Linganbi foresti