San Vinsenso e Granadine cognosesto anca cofà Saint Vincent e Grenadine el ze un stato conponesto par sirca 125 ìzołe che el ze parte de łe Picenine Antiłe. L'ìzoła prinsipałe ła ze Saint Vincent de 345 km² su ła cuała ła ze ponesta ła capitałe Kingstown. L'economia ła ze ligada soratuto a ła cultivasion de łe banane e a ła pesca, el turismo no el ze gnoncora pì de tanto tanto desviłupà.
Zeografia San Vinsenso e Granadine i ze ponesti intrà Saint Lucia e Grenada Inte łe ìzołe Windward de łe Picenine Antiłe, un arco de ìzołe inte el Mare dei Caràibi.
Le ìzołe de San Vinsenso e Granadine łe include l'ìzoła pì granda San Vinsenso de 344 km² e cuełe pì verso nord Grenadine de 45 km²), na caena de picenine ìzołe che łe se destira verso sud da San Vinsenso finmente a Grenada.
Divizion Aministrative Aministativamente, San Vinsenso e Granadine ła ze sudivisa in 6 paròchie, co 5 su San Vinsenso e una che ła ze l'istesa de łe Granadine. Kingstown ła se cata inte ła Parochia de St. George e ła ze ła capitałe e sentro aministrativo de ła nasion.
Paròchia de Charlotte Paròchia de łe Grenadine Paròchia de Saint Andrew Paròchia de Saint David Paròchia de Saint George Paròchia de Saint Patrick
Demografia El prinsipałe grupo ètnego (66% de ła popołasion) el ze de disendenti de s-ciavi africani, portai inte l'ìzoła par lavorar inte łe piantazon. Ghe ze na menoransa de metisi (19%), e grupi indiani derivanti da aziàteghi (6%), de caribi (orìzenari abitanti de l'ìzoła, 2%) e de bianchi (disendenti de cołoni inglezi e portoghezi).
Gałeria de someje
Notasion
Altri projeti
Linganbi foresti