El Muzo de Marte el ze na strutura distintiva de ła superfise del pianeta Marte situada inte ła rejon marsiana de Cydonia Mensae, che drio racuante persone ła pararia èsar un muzo uman. El ze longo sirca 3 km par 1 km de larghesa e el ze pozisionà a ła latitùdene marsiana de 10º Nord da l'ecuatore marsian. El ze sta fotografà par ła prima volta inte el 25 de lujo del 1976 da ła navezeła spasiałe Viking, che a l'època ła zera in òrbita da torno a Marte. L'insidente el ga caturà l'atension del pùblego sie dì dopo che un comunegà stanpa el ze sta libarà da ła NASA.

Foto orizenałe

La foto ła mostra un teren de forma de altipian, co na granda formasion rocioza inte el mezo, che co łe onbrie zenerae dai raji del sołe che i casca co un'inclinasion de 20 gradi, ła pare na testa umana, zenerando l'ilłuzion de védar dei oci, el nazo e ła boca. La foto ła ze sta scatada da na destansa de 1873 km.

Interpretasion de łe prime fotografie

Interpretasion sientìfega

L'aparensa del muzo el ze gavesto da ła conbinasion de l'àngoło de iłumenasion de ła luze sołare e da ła basa resołusion de ła foto che ła tende a inpiatir łe iregołarità de ła superfise. Sta aparensa ła ze gavesta anca da ła tendensa del serveło uman de reconósare schemi famejari, spesalmente muzi.

In pì, un intervało inte i dati inviai dal Viking 2 el crea un ponto nero ezatamente andove łe saria łe narize del nazo.

Interpretasion ufołòzega Par l'ufołozia ła saria ła ciara evidensa de un monumento e ła prova de èsari intełijenti su Marte. El prinsipałe sostegnitore de sta teoria el ze sta Richard Hoagland inte el so libro The Monuments of Mars: A City on the Edge of Forever del 1987.

Notasion

Altri projeti

Linganbi foresti

Categoria:Marte