La ceza dei Santi Piero e Poło ła ze ła parochiale de Sospiroło, in provincia de Bełun e diòseze de Bełun-Feltre; ła ze parte de ła converzensa foraniałe 5.
Stòria No se ghe conose el ano justo de ła costrusion de ła pieve de Sospiroło, ma, sertamente, prima del 1185. Da ła relasion de ła vìzita pastorale del 1538 se sente che ła pieve ła gaveva l'altare majore, el cuało el se catava inte l'abside inalsà respeto al pavimento de ła navada, ornà da na pała co ła Madona col Putelo coi Santi Piero, Poło, Joani Batista e Vitore Màrtire, e do altari laterałi, in memòria respetivamente de San Roco e Sant'Antònio, e che ła istesa pieve ła zera dotada de canpaniłe. A poca distansa da ła pieve el zera situà el canposanto, inte l'interior del cuało ghe zera ła cezeta confradernałe de San Joani Batista, doparada fin al XVI secolo cofà batistero. Inte el XVII secolo ga tocà re-edìfegare ła pieve co dimensioni majori, dato l'incresimento de ła popolasion locałe. La nova ceza ła ghea cuatro altari e de trè ingresi. Se sa che in cuel perìodo l'antigo batistero el zera cadesto in fora-dòpara no ghe se fazeva pì nisuna funsion rełijoza. Inte el XIX secolo ła ceza sie-sentesca ła se ghea demostrà insufisente a sodisfar łe ezijense dei fedełi e, cusita, se ghea decidesto de edìfegàrghene una nova. L'atuałe parochiale, volesta da l'arciprete don Gregòrio De Loto e projetada da Marco Poliaghi, ła zera stada costruia in stiłe neogòtego intrà el 1889 e el 1898 e consacrada - cofà che ne recorda na làpide ponesta inte el 1954 - el 23 de marso de chel isteso ano dal patriarca de Venèsia Juzepe Sarto, futuro papa Pio X.
Notasion
Voze corelae Sospiroło Diòseze de Bełun-Feltre
Altri projeti
Linganbi foresti
Categoria:Architeture de Sospiroło Categoria:Architetura in Vèneto Piero e Poło Pietro e Paolo Sospirolo