Megan Kate Gale, (Perth, 7 de agosto 1975) ła ze na modeła e atora australiana.
Ła ze conosua soratuto in Itàlia e inte'l só paeze natio grasie a i spot publisitari par Omnitel/Vodafone de cui ła ze stà protagonista da'l 1999 a'l 2006.
Biografia Da ła rełasion co'l zogador de football australian Shaun Hampson, scumisiada inte el zenaro 2011, ze nasesto River Alan Thomas Hampson el 13 de majo 2014 mentre el 6 de otobre 2017 ła ga avùo ła segonda fia de ła cubia Rosie May Dee Hampson (drioman de un presedente abordo spontaneo inte'l 2016).
Cariera Megan Gale ła ga fato el só ingreso inte'l mondo de ła moda inte el 1994, grasie a ła só vitoria in un concorso; drioman ła ga razonzesto na serta fama inte'l 1999, cofà protagonista de un fortunà spot tełevizivo par ła sosietà de tełefonia mobiłe itałiana Omnitel (deso Vodafone Italia). Inte'l só primo spot ła fazeva parte de na risercada che venjéa fermà co ła zera drìo guidar e a cui ghe venjeva ciapàe łe pronte dizitałe. Conplise el suceso de tałe spot, Megan Gale ła ga seità èsar el volto de łe canpanje publisitarie (tra cui cueła par el łanso internasionałe de'l marchio britànego) de Omnitel/Vodafone fin a'l 2005 e desenbre 2006, cuando ła conpanja tełefonega ła ga desidesto de no proseder ad un ulterior renovo de'l contrato co ła modeła australiana.
Drioman, ła ze stà par un tenpo no masa łongo testimonial Lepel promovendo i só cai de intimo. Drioman ła ze tornà inte el 2008 in una nova publisità par ła Vodafone Italia in ocazion de łe feste, dizendo "No podevo mancar". Oltra a ła fortunada esperiensa par ła Vodafone, in Itałia Megan Gale ła ga anca prestà ła pròpia imàjine par na serie de canpanje a sfondo sosiałe, una promovesta da'l comune de Miłan contro l'isporcada de i muri de i edifisi sitadini, n'altra volta a conbàter el fenòmeno de l'abandon de i anemałi mesteghi durante el parìodo estivo e uno par ła promosion a ła donasion de sangue. In azonta a ła pròpia atività de modeła e testimonial publisitaria, Megan Gale ła ga partesipà anca a serte produsion sinematografeghe, intrà cui na picoła inte'l film Stealth - Arma suprema (2005) e resitando inte el roło de se istesa inte i film Vacanze di Natale 2000 (1999, direto da Carlo Vanzina), Body Guards - Guardie del corpo (2000, de Neri Parenti), co Massimo Boldi e Christian De Sica, e Stregati dalla luna (2001). Inte'l 2001, inazonta ła conparise inte 'l videoclip www.mipiacitu de i Gazosa.
Ła ga anca conduzesto insenbre a Raffaella Carrà el Festival de Sanremo 2001. In Australia ła ga conduzesto de i show del canałe tv Nine Network e ła ga sfiłà par racuanti ani par el stiłista David Jones, fin al 2008, co ła ga anunsià el só ritiro da łe pasarełe. Ła zera stà sernìa par ła parte de Wonder Woman, roło che'l ze stà in pasà de Lynda Carter, inte el film so ła Justice League of America, Justice League: Mortal, direto da George Miller, ma el film par vari problemi no'l ze stà pì reałizà. Drioman ła ga conduzesto, senpre par Nine Network, ła trazmision Body Work trazmetesta in Itałia da La5. Da'l 2011 ła ze una de łe testimonial de ła L'OréalGlamourday - Megan Gale testimonial L'Oréal. Inte'l 2015 Megan Gale ła ga ciapà parte, in un roło segondario, a'l film Mad Max: Fury Road.
Filmografia Sinema Vacanze di Natale 2000, rezìa de Carlo Vanzina (1999) Body Guards - Guardie del corpo, rezìa de Neri Parenti (2000) Stregati dalla luna, rezìa de Pino Ammendola (2001) Stealth - Arma suprema, rezìa de Rob Cohen (2005) I Love You Too, rezìa de Daina Reid (2010) The Water Diviner, rezìa de Russell Crowe (2014) Mad Max: Fury Road, rezìa de George Miller (2015)
Tełevizion Wonderland - serie TV, epizodio 2x02 (2014)
Agensie Chadwick Model Management - Sydney Louisa Models - Monaco de Baviera D Management Group
Notasion
Altri projeti
Linganbi foresti
Categoria:Modełe