Ła verza o anca càvorlo verza, (Brassica oleracea var. sabauda L.,) el ze on cultivar de càvorlo simiłare al càvorlo capuso, ma difarentemente da st'ùltemo el prezenta foje rugae, increspae e co nervadure prominenti.
Caratarìsteghe Pianta bienałe co raiza fitonante mia tanto profonda, ła ga on fusto reto, de longhesa raramente sora ai 30 sentimetri. La bała, verda o roso-violàcea, no ła ze tanto conpatada; le foje interiori łe ze bianco-załastre. El njien cultivà in vàrie zone d'Itàlia e el ze on ortajo racuanto conosesto.
Doparasion
Ła verza ła połe èsar doparada inte na granda varietà de risete. Ła se spoza ben co vin roso, pomi, spèsie, cren e carne. Ła połe èsar doparada par involtini, stufai o supe, cofà el Boršč ucràino, ma anca par rosti e consai co l'ojo de ułiva. El połe èsar doparà in risete conservae cofà el kimchi o i cràuti, e conpagnà da consadure forti e insòłiti cofà el zenevro.
Ła verza de cuałità ła se ga co ła ze pezante, par łe so dimension, e col se prezenta co foje sensa mace e łe ga na siera lumenoza e fresca. L'alta stajon par ła majorparte de łe verze inte el emisfero setentrionałe ła va da novenbre a apriłe.
Ła verza ła ne da: fibre, vitamine A , C , K e B6, àsido fòłego, potàsio, manganeze, tiamina, calcio, fero e magnesio.
La verxa ła połe èsar de difìsiłe cultivasion, parché ła ze vulneràbiłe al bruco, picioni, e małatie de łe raize Ła dal mejo inte el sołe pien, rezistente a l'inverno, bona a sofrir el fredo, el zeło e ła neve.
Notasion
Altri projeti
Linganbi foresti
Categoria:Cultivar de Brassica