La Sony Corporation (ソニー株式会社 Sonī Kabushiki-gaisha, mejo conosesta senplegamente cofà Sony o SONY, in presedensa Tokyo Tsushin Kogyo) ła xe na multinasionałe conglomerada japonexa fondada inte el 1946 co sede a Minato, cuartiero de Tokyo.
Sony ła se consentra prinsipalmente so el setor de ła eletrònega de consumo, sui videoxughi, intrategnimento e servisi finansiari. Ła società ła xe uno dei prinsipali produtori de prodoti eletròneghi par el marcà dei consumadori e profesionisti. Inte el 2015 Sony ła xe stada clasifegada inte ła 116ª poxision inte ła lista de la revista Fortune Global 500.
Sony ła xe una de łe società de intrategnimento pì conplete inte el mondo, gràsie ai so cuatro setori operadivi che i se consentra so ła ełetrònega, film, mùxica e servisi finansiari. I prinsipałi setori i xe Sony Corporation, Sony Pictures Entertainment, Sony Interactive Entertainment, Sony Music e Sony Mobile Communications. Sony ła xe intrà łe dite nùmaro uno par cheło che revarda ła véndita de semicondutori par ano e tacando dal 2013 el cuarto pì grando produtore de tełevixori dopo Samsung, LG Electronics e TCL. Par confermar tuto cheło pena scrivesto, el tìtuło Sony el xe anca cuotà inte łe borse de Tokyo e New York.
Notasion
Altri projeti
Linganbi foresti
Categoria:Sony