Ігля́ны (стара назва Годермарк, ) суть село на Словеньску в окресї Кежмарок в Пряшівскім краю.
Історія Сучасне село взникло 12. юнія 1960 злучінём двох старых сел – Маєркы і Стотінцїв, котры мали одлишну і барз богату історію.
Стотінцї Село было першыраз спомянуто в роцї 1307 а в минулости мало розлічны назвы: „Szazteleke“ (1307), „Hundurmark“ (1317), „Hodermark“ (1920) і „Stotince“ (од року 1948). В середнёвіку належило село роду Берзевіцї. Переломным роком про села быв рік 1539, кедь польскый шляхтіч Єронім Ласкі выгнав старых обывателїв і усадив ту Волохів (Русинів).
Стотінцї (Годермарк) ся стали вызначным ґрекокатолицькым центром реґіону. Праве з той парафії походив Іван Йозеф Годермарьскый (сын містного кантора), котрый ся в роцї 1707 став ґрекокатолицькым єпіскопом в Мукачові. В роцї 1786 ся містный священик Михал Канюк особно стрїтив з цісарём Йозефом II. в Пряшові із жадостёв о вернутю спішскых парафій під юрісдікцію Мукачовской єпархії, што ся ай стало.
В 19. і 20. сторочу пришло селом ряд траґедій. В роцї 1863 ту ся загорїв великый пожар (згорїла ай школа) а в роцї 1887 постигло обывательство епідемія холеры. В роцї 1908 іщі єден пожар знічів майже половину села. Обывателї Стотінцїв были в цїлім реґіонї знамы выробов деревяных шындлїв.
Почас другой світовой войны, 14. новембра 1944, ґестапо заарештовало містного священика Петра Дудіньского і далшых вісем обывателїв за протифашістічну дїятельство. Село ослободила совєтьска армада 30. януара 1945. Траґічным роком про село быв рік 1947, кедь ся у рамках оптації (од 28. януара до 26. марца) 31 родин переселило до Совєтьского союзу.
Маєрка Село ся таксамо по першыраз споминать в роцї 1307 під назвов „Borkut“, котра ся вжывала аж до року 1895. Пізнїше ся вжывали назвы „Majorka“ і нїмецьке „Maierhöfen“. Село правдоподобно взникло з маєтку (маєркы), котрый належав містечку Любіця. В роках 1412–1772 была Маєрка вєдно з остатныма містами і селами в Спішскім краї в польскім залогу.
В 16. сторочу заселили Маєрку Волохы. Обывателї сі в минулости заробляли на жывотны потребы добыванём дерева, ховом овець і тканём домашнёго полотна. В роцї 1828 мала Маєрка 69 домів і 499 обывателїв. Почас першой світовой войны загынули на фронтах штири обывателї села.
Обывательство
Зложіня обывательства подля народности (2011 р.)Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-26.: Русины - 20 (1,4%) Словаци - 1149 (80,2%) Ромы - 205 (14,3%) Українцї - 3 Чехы - 1 Поляци - 1 Нестановлены - 53 (3,7%)
Русиньскый язык за материньскый означіли 22 жытелїв (1,5%)Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-26..
Історічны памняткы В селї ся находять тоты памняткы: римскокатолицька церьков св. Мартіна (спочатку середнёвікый, в першій половинї 19. сторочу переставеный в емпіровім слогу) ґрекокатолицька церьков (спочатку раноґотічный з конця 13. сторочу, іконостас і казательніця суть з першой половины 20. сторочу) еванґельска церьков (з року 1787, бароково-класіцістічный) каплічка присвячена Дїві Марії Лурдьской
Референції