Лазурівка (лат. Cyanistes caeruleus) — дрібный синицёвый співак шыроко росшыреный в мірній і субарктічній Европі і западній Азії.
Опис
Довжка тїла: 11-13 cm Роспятя крыл: 20 цм Вага: 11 ґ
Їй шпеціфічнов ознаков, котра єй одрїзнять од подобной звычайной синицї, є синє тимя головы і тмава смуга через очі і спідню часть горла. Чоло і лиця мать білы, затылок, крыла і хвостовы пірка синї, хырбет жовткасто зеленый, бріхова часть тїла є сирово жовта з узков чорнов смужков, ногы синяво сивы і фарба оч тмаво бура. Молоды синицї суть наперед сивы із світло синєм надыхом на крижах, пізнїше здобывають выразне жовтїше зафарблїня як їх родічі.
Хованя
Лазурівка є сталый вид. Жыє в листяных і змішаных лїсах, парках, алейах, загородах, але і в сентрах векшых міст. На зиму творить змішаны ґрупы а тыж як другы виды синицї вынимать ся і тот вид незвычайнов чіперностёв і велёраз під час гляданя стравы вісить долов головов. Неприязны хвилї перебывать скрыта в невеликій ямцї в земли. Лазурівка ся найчастїше озывать выразным „ті-ті-ті“, як варовный звук хоснує выразне „чіір“.
В природї ся звычайно дожывать 1,5 рока.http://www.garden-birds.co.uk/information/lifespan.htm
Страва
Лазурівка належыть міджі цїнных пожерачів рослиновых шкодцїв, як суть наприклад гусеніцї мотыля, вшелиякы мушкы, хоць на ярь любить обжерати і молоды квітя листяных стромів або різне насїня, особливо пак сонячніцёвы. В зимушнім часї собі страву рада спестрить бурьскыма орїшками або шмальцём в сітьцї.
Розмножованя
Гнїздить в дуплах стромів або в деревяных будьках завішеных на стромах а до свого гнїзда ся вертать каждый рік.
Як є їй гнїздо огрожене, зъїжыть хохолку на голові, зачне сычати і до предатора неогрожено клювати. Гнїздо собі будує звычайно з мохів, піря або різной травы а єдну аж дві зношкы яєць кладе міджі апрілём і маём. Єдна зношка бывать в порївнаню з іншыма співаками дуже богата і обычайно рахує сїм аж дванадцять білых, червенкасто флякастых яєць.
Саміця на яйцях сидить 12-14 днїв.
Молодята опущають гнїздо по 17-18 днях жывота.
Таксономія
Лазурівку першыраз описав Карл Лінней в роцї 1758 в своїм дїлї Systema naturae (Сістема природы) під науковым іменом Parus caerulaus.(Латиньскы) Linné, C. (1758). Systema naturae per regna tria naturae, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata.. Holmiae. (Laurentii Salvii)., 190. “P. remigibus caerulescentibus : primoribus margine exteriore albis, fronte alba, vertice caeruleo.”
Розознаваме у нёй дакілько підвидів:https://web.archive.org/web/20090211161354/http://www.biolib.cz/cz/taxon/id8948/
Cyanistes caeruleus caeruleus - векшына ареалу виду в Европі. C. caeruleus obscurus - брітаньскы островы. C. caeruleus balearicus - Балеары. C. caeruleus ogliastrae - Піренейскый півостров, Корзіка, Сардінія, южна Ґреція і Крета. C. caeruleus orientalis - область міджі Волґов і Уралом. C. caeruleus satunini - Крім, Кавказ. C. caeruleus calamensis - Ґреція. C. caeruleus raddei - Іран. C. caeruleus persicus - Іран. C. caeruleus teneriffae - остров Тенеріфе (Канарьскы островы). C. caeruleus ultramarinus - северна Африка. C. caeruleus cyrenaicae - Лібія. C. caeruleus degener - Канарьскы островы - часто триманый як самостоячій вид. C. caeruleus ombriosus - Канарьскы островы - часто триманый як самостоячій вид. C. caeruleus palmensis - Канарьскы островы (остров Ла Палма) - часто триманый як самостоячій вид.
Референції
Катеґорія:Найменше знепокоївый (LC) Катеґорія:Синицёвы Катеґорія:Птаство Підкарпатьской Руси