«Будыначак на шчасце» () — украінскі камедыйны тэлесерыял.
Сюжэт Серыял распавядае пра маладую пару, якая вырашае цалкам змяніць сваё жыццё і пераехаць з Киева ў маленькае сяло Сянькоўка. Галоўны герой, стаміўшыся ад шуму мегаполіса, працы і сталага стрэсу, вяртаецца ў старую вясковую хату, спадзяючыся пачаць спакойнае і шчаслівае жыццё на прыродзе. Аднак ягонае уяўленні аб «простым сельскім шчасці» хутка сутыкаецца з рэальнасцю і супрацівам жонкі, якая, тым не менш, з часам прымае гэтае рашэнне мужа.
Аказваецца, сельскае жыццё зусім не такое ідылічнае, як чакалася. Хата ўвесь час патрабуе рамонту, бытавыя праблемы ўзнікаюць адна за іншай, а мясцовыя жыхары са сваімі звычкамі і спецыфічнымі поглядамі на жыццё апыняюцца вельмі каларытнымі. Героі спрабуюць прыстасавацца да новых умоў — вучацца весці гаспадарку, наладжваюць адносіны з суседзямі і паступова становяцца часткай вясковага грамадства.
Вялікая частка гумару будуецца на кантрасце паміж гарадскім чынам мыслення і вясковай практычнасцю, а таксама на камічных сітуацыях, у якія рэгулярна трапляюць персанажы. З часам героі разумеюць, што сапраўднае шчасце — не ў ідэальнай карцінцы, а ў людзях побач, узаемадапамозе і здольнасці смяяцца над цяжкасцямі.
Асноўныя персанажы Макс (Канстанцін Вайтэнка) — галоўны герой, малады мужчына з горада, які і ініцыюе пераезд на вёску. Ён прадпрымальны і аптымістычны, але часта аказваецца зусім не гатовы да сельскіх рэалій. Увесь час прыдумляе новыя ідэі, як наладзіць жыццё ў вёсцы ці зарабіць грошы, але яго планы нярэдка прыводзяць да смешных наступстваў. Маша (Галіна Безрук) — жонка Макса. Яна больш практычная і эмацыйная, чым муж, і часта спрабуе вярнуць сітуацыю пад кантроль, калі яго авантуры заходзяць занадта далёка. Яна цяжка абвыкае да вясковага побыту, марыць вярнуцца ў Кіеў, але паступова пачынае знаходзіць на вёсцы свае плюсы. Вася (Назар Задняпроўскі) — адзін з каларытных мясцовых жыхароў і сусед Макса і Машы. Ён тыповы сельскі хлопец: просты, прамалінейны і хітраваты. Мае алкагольную залежнасць. Часта становіцца крыніцай камічных сітуацый, але пры гэтым нярэдка дапамагае героям асвоіцца ў вёсцы. Люба (Віталіна Бібліў) — жонка Васі, яркая і энергічная сельская гаспадыня, якая добра ведае жыццё ў вёсцы і актыўна ўдзельнічае ў мясцовых падзеях. Яна актыўна змагаецца з залежнасцю мужа ад алкаголя, часта ўзаемадзейнічае з іншымі жыхарамі вёскі, дадаючы дынамікі і гумар у тое, што адбываецца.
Спасылкі Афіцыйны сайт тэлесерыяла
Катэгорыя:Тэлесерыялы 2018 года Катэгорыя:Камедыйныя тэлесерыялы Украіны Катэгорыя:Тэлесерыялы на ўкраінскай мове