Універсітэт каралеўскіх дарог () — канадская дзяржаўная вышэйшая навучальная ўстанова са статусам універсітэта, якая месціцца ў горадзе Колвуд у правінцыі Брытанская Калумбія, Канада.
Агульная характарыстыка Універсітэт размешчаны ў нацыянальным гістарычным парку — замку «Хэтлі» на востраве Ванкувер. Пасля закрыцця ў 1995 годзе аднайменнага ваеннага каледжа, заснаванага ў 1940 годзе, урад правінцыі стварыў на базе кампуса былой ваеннай вучэльні дзяржаўны ўніверсітэт.
Вучэльня прапануе прыкладныя і прафесійныя праграмы навучання на ўзроўні бакалаўрыяту, магістратуры і аспірантуры. Праграмы ў асноўным прапануюцца ў змешаным фармаце, які спалучае перыядычныя заняткі ў кампусе з онлайн-курсамі. Гэты фармат прызначаны пераважна для працуючых спецыялістаў, якія могуць завяршыць навучанне на адлегласці, захоўваючы сваё працоўнае месца.
Спасылкі
Афіцыйная інтэрнэт-старонка ўстановы
Катэгорыя:Навучальныя ўстановы з англійскай мовай навучання Катэгорыя:Універсітэты паводле алфавіта Катэгорыя:Універсітэты Канады