Даламедэс шлячкасты ці Даламедэс паляўнічы, ці Шлячкасты паляўнічы (Dolomedes fimbriatus) — від аранеаморфных павукоў з сямейства , распаўсюджаны ў Еўразіі.
Апісанне Даўжыня цела самкі складае ад 15 да 22 мм, Даўжыня цела самца — ад 10 да 13 мм. Афарбоўка цела вар’іруе ў абодвух палоў ад жоўта-карычневага да чорна-карычневага колеру. Па баках цела маюцца белыя або жоўтыя падоўжныя палосы. У многіх асобін, перш за ўсё ў дзіцянятаў, радзей у больш дарослых, доўгія палосы цалкам адсутнічаюць. Тады павук афарбаваны ў жоўта-карычневы колер.
Месцы пражывання Павук жыве на беразе стаячых або павольна бягучых вадаёмаў. Ён жыве ў верхавых балотах, на вільготных лугах, у забалочаных лясах, а таксама ў садках.
Спосаб жыцця Павук не будуе прытулку і трымаецца ў прыбярэжнай расліннасці. Дзякуючы густому валасяному покрыву ён добра перасоўваецца па вадзе і нават нырае пад ваду пры небяспецы. Аднак у адрозненне ад ён не можа знаходзіцца пад вадой доўга.
Харчаванне Харчуецца гэты від не толькі насякомымі і апалонікамі, але і дробнай рыбай, якую ён вокамгненна хапае і забівае за некалькі секунд смяротным укусам. Сваю здабычу павук цягне на бераг, дзе разрэджвае і паглынае яе на працягу некалькіх гадзін.
Размнажэнне Спарванне адбываецца ў маі і чэрвені. У адрозненне ад , у гэтага віду самец не прыносіць самцы здабычу ў падарунак, а наадварот, чакае, каб самка сама што-небудзь злавіла. Хоць самка есць здабычу, самец можа наблізіцца да яе. Пры гэтым часта неасцярожныя самцы самі становяцца здабычай. Пачынаючы з канца чэрвеня самка павука кладзе да 1000 яец у шарападобны ад бялявага да светла-карычневага колеру кокан дыяметрам да 1 см. Незадоўга да з’яўлення маладых павукоў яна падвешвае яго на прыбярэжных раслінах і ахоўвае яго. Развіццё дзіцянятаў двухгадовае. Маляўкі выходзяць у сярэдзіне лета і нярэдка ў масе скопліваецца на прыбярэжных раслінах. Маладыя павукі афарбаваныя часцей у светлы зелянява-жоўты колер.
Літаратура
Heiko Bellmann: Kosmos Atlas Spinnentiere Europas. Franckh-Kosmos, Stuttgart, 1997, ISBN 3-440-10746-9 Rainer F. Foelix: Biologie der Spinnen. Thieme, Stuttgart 1979, ISBN 3-13-575802-8 Hänggi, Stöckli und Nentwig: Lebensräume mitteleuropäischer Spinnen. Centre Suisse de cartographie de la faune, Neuchatel, 1995 Jones, Dick: Der Kosmos Spinnenführer. Kosmos, 1990, ISBN 3-440-06141-8 Heiko Bellmann: Spinnen: beobachten — bestimmen, Naturbuch Verlag, Augsburg 1992, ISBN 3-89440-064-1 Frieder Sauer, Jörg Wunderlich: Die schönsten Spinnen Europas., Fauna-Verlag, 2001, ISBN 3-923010-03-6
Катэгорыя:Павукападобныя Еўразіі Катэгорыя:Пізаўрыды Катэгорыя:Жывёлы, апісаныя ў 1757 годзе