Магілёўтрансмаш (Магілёўскі завод транспартнага машынабудавання) — беларускае прадпрыемства па выпуску паўпрычэпаў, аўтамабільных кранаў і спецыяльных фургонаў, размешчанае ў горадзе Магілёў. У цяперашні час з’яўляецца філіялам Мінскага аўтамабільнага завода.
Гісторыя У 1975 годзе ў Магілёве пачалося будаўніцтва завода сельскагаспадарчага машынабудавання «Магілёўсельмаш». У 1982 годзе завод быў уведзены ў эксплуатацыю. Першапачаткова падпарадкоўваўся Міністэрству машынабудавання для жывёлагадоўлі і кормавытворчасці СССР. З 1991 года — у падпарадкаванні Дзяржкамітэта Рэспублікі Беларусь па прамысловасці і міжгаліновых вытворчасцях, з 1994 года — у падпарадкаванні Міністэрства прамысловасці Рэспублікі Беларусь. 28 сакавіка 1994 года перайменаваны ў Магілёўскі завод транспартнага машынабудавання «Магілёўтрансмаш». 31 ліпеня 2000 года ператвораны ў Рэспубліканскае ўнітарнае прадпрыемства, 31 снежня 2003 года — у адкрытае акцыянернае таварыстваОАО «Могилёвтрансмаш» на сайте «Архивы Беларуси» (Фондовый каталог государственных архивов Республики Беларусь). У 2003 годзе завод быў перададзены ў падпарадкаванне Мінскаму аўтамабільнаму заводу1991-2006 Итоги Автомобилестроение и сельхозмашиностроение. У 2006 годзе ААТ «Магілёўтрансмаш» скасавана як самастойная юрыдычная асоба.
Прадукцыя Першапачаткова завод займаўся вытворчасцю сельскагаспадарчай тэхнікі: прыстасаванняў для перавозкі здробненай зялёнай масы, пагрузчыкаў для трактара К-700. У 1991 годзе завод пачаў асвойваць вытворчасць прычапной тэхнікі і аўтакранаў «Машэка». У 1991 годзе былі выраблены першыя аўтамабільныя паўпрычэпы, у 1993 годзе завод выпусціў першыя 15-тонныя аўтакраны. У далейшым прадпрыемства вырабляла кантэйнеравозы, рэфрыжэратары, панелевозы, паўпрычэпы з тэнтаваным верхам, прычэпы-роспускі лесавозаў. У 2012 годзе «Магілёўтрансмаш» сабраў партыю мікрааўтобусаў МАЗ-182«Могилевтрансмаш» выпустил партию микроавтобусов МАЗ-182. У 2017 годзе на незадзейнічаных плошчах завода была арганізавана зборка аўтакранаў на шасі МАЗ сумесна з кітайскай кампаніяй ZoomlionНовый белорусский автокран может поднять танк на высоту 20-этажного дома. У 2019 годзе «Магілёўтрансмаш» пачаў вытворчасць рубільна-драбільнай машыны на шасі МАЗ. У 2020 годзе завод выпусціў першы смеццявоз на сціснутым прыродным газе і смеццявоз магутнасцю 8,3 т адходаўПервый в Беларуси газовый мусоровоз МАЗ презентовали в МогилевеМАЗ представил новый сверхподъемный мусоровоз.
Спорт У 1988—1998 гадах пры заводзе дзейнічала ўласная футбольная каманда «Трансмаш» (у 1998 годзе аб’яднаная з асноўнай магілёўскай камандай «Дняпро» ў «Дняпро-Трансмаш»).
Заўвагі
Спасылкі
Старонка на афіцыйным сайце Мінскага аўтазавода
Катэгорыя:Кампаніі Беларусі Катэгорыя:Прадпрыемствы Магілёва Катэгорыя:Мінскі аўтамабільны завод